15.11.2018 / 16:35

Педагогу з-пад Гродна, якая расказала пра музычную школу без святла, прыйшлося звольніцца 17

Педагогу, якая сфатаграфавала, як дзеці займаюцца без святла ў музычнай школе пад Гроднам, у аддзеле культуры Гродзенскага райвыканкама прапанавалі звольніцца па ўласным жаданні. Жанчына заяву падпісала, але кажа, што хоча працаваць у музычнай школе і далей, піша Tut.by.

Фота: Анатоль Мышкевіч.

Вучням музычнай школы ў Падлабенні даводзіцца вось ужо некалькі месяцаў запар займацца ў памяшканні, дзе няма святла. Выкладчыкі гавораць, што праблему мясцовая ўлада і раённы аддзел культуры паабяцалі вырашыць літаральна на днях, але пакуль што дзеці на заняткі ходзяць з ліхтарыкамі.

Сфатаграфавала, як праходзяць заняткі ў цемры, настаўнік па сальфеджыа Алена і перадала здымкі сваім знаёмым. Так фатаграфіі з'явіліся ў інтэрнэце.

Жанчына кажа, што хацела проста прыцягнуць увагу да праблемы.

— Я працую ў прафесіі з сярэдзіны 90-х гадоў. І для мяне проста дзіўная ўся гэтая сітуацыя з адсутнасцю святла і з тым, што мяне папрасілі «на выхад» у сярэдзіне навучальнага года. Я наўрад ці знайду хутка новае месца працы. Ды і мая дзейнасць тут мне падабаецца, — кажа Алена і дадае, што ў аддзел культуры яе выклікалі сёння, 15 лістапада, з самай раніцы і адразу ж прапанавалі напісаць заяву па згодзе бакоў. — Я разгубілася і падпісала. Потым расплакалася, а цяпер супакоілася і разумею, што гэта месца працы губляць не хачу. З іншага боку, вельмі баялася, што могуць звольніць па артыкуле — але атрымалася вось так. Цяпер не ведаю, што з гэтым усім рабіць.

У аддзеле культуры Гродзенскага райвыканкама запэўніваюць, што педагогу давалі ўказанні праводзіць заняткі па нотнай грамаце ў будынку мясцовай бібліятэкі, аднак жанчына адказвае — там не заўсёды было месца для юных музыкаў.

7
надя / Адказаць
15.11.2018 / 16:49
 а што хацели -працаваць маучы и кивай
1
яя / Адказаць
15.11.2018 / 17:20
Зря. Очень зря. Сначала надо было идти к юристу. Взять контракт и еще раз убедиться, что не только у работников есть обязанности. У работодателя они тоже есть. И если работодатель был не в состоянии обеспечить нормальные условия работы - нужна была совсем другая статья при увольнении. Неустоечку должны были выплатить.
Теперь, если есть охота опять вернуться в родной "серпентарий", надо писать заявление о приеме на работу. И если откажут, при имеющейся открытой вакансии - идти в суд. Пускай доказывают, что увольнение не было местью, не было шантажа, принуждения и дискриминации. И кстати, где профсоюз???
0
мик / Адказаць
15.11.2018 / 17:29
Провести расследование и те кто принуждал женщину уволится, уволить немедленно! И опубликовать их имена! Страна должна знать своих героев!  
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру