16.11.2018 / 13:54

Настаўніцу музыкі, якая вучыла дзяцей пры ліхтарыках, вярнулі на працу 10

Настаўніцу Алену з музычнай школы ў вёсцы Падлабеньне на Горадзеншчыне, якая праводзіла заняткі ў клясе без сьвятла, пасьля розгаласу ў СМІ, пакінулі на працы, піша Радыё Свабода.

Фота, дзе дзеці займаюцца нотнай пісьменнасьцю пры ліхтарыках, трапілі ў сеціва 13 лістапада. Празь дзень стала вядома, што настаўніцу Алену, якая рабіла здымкі, выклікалі ў райвыканкам. У той жа дзень яна напісала заяву аб звальненьні. 15 лістапада мусіла стаць ейным апошнім працоўным днём у школе.

Як сама настаўніца раней казала Свабодзе, кіраўніцтва школы дало ёй падпісаць блянк на звальненьне па пагадненьні бакоў.

Аднак у аддзеле культуры Горадзенскага райвыканкама журналістам Tut.by паведамілі, што настаўніцу звальняць ніхто не зьбіраецца, маўляў, зь ёй толькі была праведзеная гутарка

Ужо 16 лістапада Алена паведаміла Свабодзе, што зноў знаходзіцца на працы.

«Тут электрыкі, праводзяць сьвятло. Я не магу шмат гаварыць. Зараз пад’едзе тэлебачаньне, будзе здымаць гэты кабінэт (дзе займаліся без сьвятла — РС)», — сказала настаўніца.

Па ейных словах, увечары 15 лістапада да яе на працу прыехаў прадстаўнік аддзела культуры Горадзенскага райвыканкама і сказаў, каб назаўтра яна выходзіла на працу.

«Сёньня званілі з упраўленьня культуры аблвыканкама. Сказалі: «Заяве (на звальненьне — РС) ходу не дамо»», — працягвае жанчына.

Алена кажа, што ня бачыла, каб ейную заяву зьнішчылі, але і загад аб звальненьні не падпісвала. Па вуснай дамоўленасьці, выйшла на працу, як і раней, з той жа занятасьцю.

«Мне бы хоць да канца навучальнага года дапрацаваць. Бо пасярод года знайсьці працу нерэальна», — прызнаецца яна.

Чытайце:

Педагогу з-пад Гродна, якая расказала пра музычную школу без святла, прыйшлося звольніцца

Чыноўнікі пра настаўніцу музычнай школы без святла: Мы яе не звальнялі, а проста пагутарылі

1
0 / Адказаць
16.11.2018 / 14:02
Ну, нічога страшнага. Можна яшчэ кантракт не прадоўжыць, пасля таго, як ён скончыцца. Так, райвыканкам?
0
Дед Мороз / Адказаць
16.11.2018 / 14:05
Чинушей с райвыконкома хоть выперли?!
0
1+1 / Адказаць
16.11.2018 / 14:39
Одни делают приписки. Другие прячут и замалчивают проблемы. Все хорошо. Виноват не тот, кто не решает проблемы, а тот, кто о них говорит. Интересно, а министр образования, как сторонник коммунистичекой партии, ВЛКСМ, 7 ноября, что бы сказал по этому поводу, когда одним из тезисов Ленина было "электрофикация". Неокоммунисты-прокоммунмисты не выполнили заветов Ильича, с его лампочкой ильича? Как осуществляли приемку школы к работе, если по факту в ней нельзя учить детей? Может вместо трат на траты мертвой ВЛКСМ-100, лучше бы живым людям помогли и школу до ума довели?
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру