17.11.2018 / 16:36

У Сербіі паставілі помнік саве, але людзі бачаць нешта іншае ФОТА 24

Фота з фэйсбука горада

Нядаўна на поўначы Сербіі адкрылі статую ў выглядзе савы, аднак шмат каму помнік больш нагадвае мужчынскі палавы орган, піша Бі-бі-сі.

2,4-метровую скульптуру ўсталявалі ў горадзе Кікінда, каб нагадаць, што менавіта ў гэтай мясцовасці пражывае найбуйнейшая ў свеце папуляцыя вушастых соваў.

Аднак ужо неўзабаве пасля адкрыцця статуі з'явіліся тыя, каму яна падалася непрыстойнай.

Пад публікацыяй пра помнік, якая з'явілася на Facebook-старонцы горада Кікінда, — дзясяткі насмешлівых каментароў.

«Гэта выдатна, — напісаў адзін з карыстальнікаў. — Вось толькі не магу зразумець, што ж гэта мне нагадвае».

«Я люблю соваў і люблю свой горад, але гэтая скульптура — гэта проста правал», — дадаў іншы.

Хоць некаторыя паставіўся да новай статуі з гумарам, у рэакцыі некаторых карыстальнікаў адчуваецца злосць. Некаторыя з іх таксама прызнаваліся, што адчуваюць сорам за свой родны горад.

«Зараз усе будуць з нас смяяцца», — гаворыцца ў адным з каментароў.

Ёван Блат, аўтар супярэчлівай скульптуры, распавёў сербскай газеце Vecernje Novosti, што з-за крытыкі ўжо падумвае над тым, каб зрабіць новую працу.

Паводле яго слоў, ён не спрабаваў зрабіць фотарэалістычную копію савы, яго мэтай была яе стылізаваная версія з выцягнутым тулавам.

«Гэта відавочна, што людзі не разумеюць сучаснага мастацтва», — рэзюмуе мастак.

0
яўхім / Адказаць
17.11.2018 / 16:42
Па баках не хапае Вніпуха і Пятачка.
15
Петик / Адказаць
17.11.2018 / 16:47
Сова как сова, что-то новое.
Критики, это такие люди, которые рассказывают, как бы они сделали, если бы умели.
2
Centurion / Адказаць
17.11.2018 / 17:02
Вось бы беркута паставілі, як віцебскі АМОН - ніхто б не абураўся ))
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру