18.11.2018 / 14:22

Прарасійскія сілы ва Украіне вылучылі адзінага кандыдата ў прэзідэнты 72

Ім стаў адзін з паплечнікаў Януковіча.

Юрый Бойка — злева. Фота Wikimedia Commons.

Партыі «Апазіцыйны блок» і «За жыццё» стварылі «Апазіцыйную платформу — за жыццё» і вылучылі кандыдатуру Юрыя Бойкі для ўдзелу ў прэзідэнцкіх выбарах. За новай кааліцыяй стаіць уплывовы Віктар Медвядчук — кум Уладзіміра Пуціна і кіраўнік Адміністрацыі прэзідэнта Украіны за часамі Леаніда Кучмы. Ён заняў пасаду старшыні палітрады платформы.

60-гадовы Юрый Бойка пры Януковічу быў міністрам паліва і энергетыкі Украіны.

Вядомасць ён здабыў, у тым ліку, пабіўшы «ўкраінскага Жырыноўскага», Алега Ляшко, у жывым эфіры.

«Сфармуляваўшы стратэгічныя задачы, мы ад слоў перайшлі да справы і даказалі, што там, дзе гаворка ідзе пра выратаванне народу ад тарыфнага генацыду, пазыковай кабалы, палітыкі драпежніцкага нацыяналізму, няма месца амбіцыям і палітычнаму эгаізму», — заявіў Віктар Медвядчук. Паводле яго слоў, аб'яднанне «Апазіцыйная платформа — за жыццё» на прэзідэнцкіх, парламенцкіх і мясцовых выбарах будзе адстойваць «інтарэсы жыхароў Паўднёвага Усходу, рускамоўнага насельніцтва і ўсіх тых, хто разумее неабходнасць кардынальнай змены палітыкі цяперашняй улады».

Юрый Бойка родам з Горлаўкі, якая цяпер акупаваная расійскімі сіламі. Ён удзельнічаў у выбарах 2014 года, набраў на іх 0,19% галасоў. 

Прэзідэнцкія выбары ва Украіне адбудуцца 31 сакавіка. Як мяркуюць украінскія аналітыкі, асноўная барацьба на іх разгорнецца паміж дзейным прэзідэнтам Пятром Парашэнкам і былой прэм'еркай Юліяй Цімашэнка. Яны блізкія па палітычных поглядах, але адлюстроўваюць інтарэсы розных бізнэс-груповак. У барацьбу можа ўключыцца і нейкі новы палітык з незалежніцкімі і праеўрапейскімі поглядамі. У якасці такога называлі былога міністра абароны Грыцэнку або спевака Вакарчука.

Згодна з апытаннямі грамадскай думкі, Юрый Бойка карыстаецца падтрымкай прыкладна 10% выбарцаў Украіны. Але ў якасці адзінага кандыдата ён зможа разлічваць на дадатковыя галасы жыхароў усходу і поўдня краіны. Як прадказваюць сацыёлагі, у выпадку выхаду ў другі тур ён саступіць і Пятру Парашэнку, і Юліі Цімашэнка.

Чытайце таксама: Праз паўгода ва Украіне адбудуцца прэзідэнцкія выбары. Хто асноўныя кандыдаты?

Сяргей Гезгала

8
дю́ээ / Адказаць
18.11.2018 / 14:41
можно было бы сплавить туда нашего ТНП, выставить кандидатом от пророссийской структур. Опыт русификации имеется. Awesome!
82
Джон Жарптушкін / Адказаць
18.11.2018 / 14:41
Усясьветны ўрад вылучыў, а не "прарасейскія сілы".
113
Ляксандра / Адказаць
18.11.2018 / 14:42
У Гезгалы что-то в голове "загезгалилось",когда он писал про оккупацию "российскими силами"?Уважаемая НН,зачем тебе нужны эти провокационные материалы вместе с их авторами?
Аўтар: А хто Крым і Данбас заняў? Амерыканцы? Туркі? Грузіны?
Паказаць усе каментары/ 72 /
Каб пакінуць каментар, калі ласка, актывуйце JavaScript у наладах свайго браўзеру