19.11.2018 / 19:47

Беларусам прыходзяць «лісты шчасця»: патэнцыйных «дармаедаў» просяць пацвердзіць занятасць 39

Жыхарам Бабруйска сталі прыходзіць лісты з выканкаму з прапановай пацвердзіць сваю занятасць. Інакш за гарачую ваду яны будуць плаціць па поўнай, піша babruysk.by.

Адпраўнік лістоў - гарадская камісія па каардынацыі работы па садзейнічанні занятасці насельніцтва горада Бабруйска. Працуе такая камісія ў гарвыканкаме з мая бягучага года.

Камісія разглядае справу «дармаеда». Фота: Іван Ярывановіч, TUT.BY.

У паведамленнях гаворыцца, што цяпер фармуюцца спісы працуючых і непрацуючых грамадзян. Падкрэсліваецца, што «камісія не мае звестак аб Вашай занятасці ў эканоміцы».

Як патлумачыла сакратар камісіі, гэта азначае, што лісты рассылаюцца тым, каго няма ў базе выканкама. Такім грамадзянам трэба пацвердзіць, што яны працуюць, інакш яны будуць залічаныя да «дармаедаў». Самі камісіі не будуць высвятляць, працуе чалавек ці не. Першыя спісы «дармаедаў» павінны быць сфармаваныя да 1 снежня. Потым яны будуць абнаўляцца раз на квартал.

У лісце камісія папярэджвае, што ад 1 студзеня 2019 «працаздольныя грамадзяне, не занятыя ў эканоміцы, аплачваюць паслугі гарачага водазабеспячэння па цэнах (тарыфах), што забяспечваюць поўную кампенсацыю эканамічна абумоўленых выдаткаў».

Ад 1 кастрычніка наступнага года непрацуючыя будуць плаціць цалкам таксама за ацяпленне і газ пры наяўнасці індывідуальных газавых ацяпляльных прыбораў.

Субсідаваны тарыф на падагрэў вады і ацяпленне на сённяшні дзень складае 16,9 рублёў за 1 Гкал. Поўны - 81,4 рубля за 1 Гкал. Гэта значыць, цана гарачай вады і ацяплення вырасце амаль у пяць разоў.

Сакратар камісіі таксама патлумачыла, што плаціць па поўнай прыйдзецца толькі тым «дармаедам», якія з'яўляюцца плацельшчыкамі за жыллёва-камунальныя паслугі, гэта значыць - маюць кватэру ва ўласнасці. Калі непрацуючы жыве з працуючым уласнікам жылля, то новаўвядзенні ў Дэкрэт «аб дармаедах» яго не закрануць. У выпадку, калі ўласнік нідзе не працуе і не трапляе ні пад адно выключэнне са спісу, але члены яго сям'і працуюць, аплата камунальных паслуг будзе дзяліцца пароўну паміж усімі зарэгістраванымі ў кватэры.

4
Почтальен / Адказаць
19.11.2018 / 19:59
Перед выборами никому будоражить людей не разрешат. Ну а эти особо рьяные до службы, получат по шапке.
3
Дед Мороз / Адказаць
19.11.2018 / 20:10
Чушь какая то :)
0
яўхім / Адказаць
19.11.2018 / 20:20
Ну правільна, ніхто ж не пойдзе высветляць, дзе былы дырэктар калгасу узяў кватэру у Мінску. Прасцей абкласці беспрацоўных уладальнікаў кватэр - а там і на вуліцу нядоўга выкінуць - вось вам і кватэрка падзяшоўке "падвязаным" "карэнным" жыхарам з Расеі.
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру