Наведвальніца бара ў Гродне стала фігуранткай крымінальнай справы за пашкоджанне кнігі скаргаў, паведамляе гродзенская міліцыя. 30-гадовая жыхарка абласнога цэнтра заседзелася ў бары па вуліцы Кірава.
Каля 6 гадзін раніцы настрой у наведвальніцы стаў змяняцца. У нейкі момант ёй не спадабалася абслугоўванне, і яна запатрабавала кнігу скаргаў і прапаноў. Аднак ўпісаць туды нешта зразумелае дзяўчына не змагла, замест гэтага яна вырвала з кнігі некалькі старонак. Адміністрацыя выклікала на месца супрацоўнікаў міліцыі.
Заведзена крымінальная справа па артыкуле «Крадзеж, знішчэнне або пашкоджанне дакументаў».
0
0
0
0
0
0
