20.11.2018 / 12:52

Жанчына з Горак трапіла ў калонію: не аддала псіхатропы, якія засталіся пасля смерці мужа 12

Жыхарка Горак Алена пасля смерці мужа, хворага на анкалогію, вырашыла пакінуць сабе яго лекі. Скончылася ўсё сумна.

Падрабязнасці распавядае мясцовы партал horki.info.

Муж Алены у 2016 годзе даведаўся, што хворы на рак у 4 стадыі. Пачаў атрымліваць «трамадол» — моцнае абязбольвальнае, якое прыроўнена да псіхатропаў. Дактары выдавалі рэцэпты спачатку мужу, пасля Алене. Жанчыну папярэдзілі: калі муж не выжыве, лекі, якія застануцца, абавязкова трэба вярнуць у бальніцу.

У канцы года муж сканаў. Але Алена частку лекаў выкінула, а «Трамадол» вырашыла пакінуць сабе. Выкарыстоўвала яго, каб зняць боль у нагах.

Нават прапаноўвала пачаставацца сваячцы, праўда, тая адмовілася. Выкарыстоўвала Алена і таблеткі, і нават ампулы.

Але ўжо ў красавіку 2017 года да жанчыны завітала міліцыя — сям’ю жанчыны правяралі, бо Алена мела праблемы з алкаголем і сям’я лічылася ў сацыяльна небяспечным становішчы. Падчас адной з такіх праверак і заўважылі пустую ампулу ў сметніцы.

Агулам у Алены знайшлі 60 ампул і 210 таблетак «Трамадола», а таксама «Дэксаметазон».

Жанчыну затрымалі і судзілі. На судзе яна сцвярджала, што не ведала ніякіх правілаў абыходжання з падобнымі медыцынскімі рэчывамі.

У выніку траіх дзяцей у жанчыны забралі. Саму яе асудзілі на 2 гады калоніі агульнага рэжыму. У калоніі жанчыну будуць прымусова лячыць ад алкагалізму.

УШ

1
Маклай / Адказаць
20.11.2018 / 13:03
А с Жарко что?! Неужели следствие "зашло в тупик"?! А как же "Борьба с Коррупцией", взявшая своё начало ещё в Верховном Совете в 1993-1994 году?!
18
Беларусь / Адказаць
20.11.2018 / 13:14
Выдатна!
4
Калгаснік / Адказаць
20.11.2018 / 13:33
Гэта той выпадак пад які падыходзіць жорсткая прымаўка (калі правільна зразумеў прачытанае) "Лес рубят ,щепки летят "Хто там будзе разбірацца з той Аленай (пьяніца ,ампулы ...-дастаткова каб пад корань)
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру