20.11.2018 / 16:13

У Бразіліі знайшлі вялізныя гарады тэрмітаў, якія відаць з космасу 3

Па папярэдніх падліках, узрост структур, створаных насякомымі, можа складаць больш за 4 тысячы гадоў.

Ілюстрацыйнае фота: Naked Science..

Навукоўцы з Універсітэта Солфарда высветлілі, што амаль усе «пабудовы», выяўленыя ў адным з раёнаў Бразіліі, маюць штучнае паходжанне. Як паведамляе часопіс Cell, самыя высокія «будынкі» з гліны і пяску дасягаюць вышыні 3,5−4 метры — рэкорд сярод выяўленых тэрмітнікаў.

Плошча штучных пагоркаў таксама ўражвае — казуркі стварылі іх на плато плошчай 230 тысяч квадратных кіламетраў — гэты «пасёлак», пабудаваны тэрмітамі, відаць нават на здымках з космасу. Навукоўцы адзначаюць, што дыяметр «бразільскіх пагоркаў» складае каля дзевяці метраў, але самі «будынкі» не з'яўляюцца домам для тэрмітаў. Па словах навукоўцаў, пад зямлёй насякомыя пракапалі велізарную сістэму тунэляў і ў выніку падземнай актыўнасці выкінулі на паверхню каля 10 кубічных кіламетраў зямлі.

Агульная колькасць «домікаў», у якіх таксама былі выяўленыя калоніі тэрмітаў, складае каля 200 мільёнаў, што ў тэорыі дазваляе зрабіць выснову аб мільярднай калоніі тэрмітаў Syntermes dirus. Самыя старажытныя пабудовы, створаныя тэрмітамі, маюць узрост 690−3820 гадоў.

1
Ганьба прагніўшаму палітбюро! / Адказаць
20.11.2018 / 17:03
Дык вось хто піраміды збудаваў.
0
Верны / Адказаць
20.11.2018 / 19:08
Хадзіў у апенькі знайшоў мурашнік вышынёю тры з паловаю мэтры, як стог.
0
Белка / Адказаць
20.11.2018 / 21:36
Это вы вниз не меряли....если все вылезут то бежать будет некуда...
Каб пакінуць каментар, калі ласка, актывуйце JavaScript у наладах свайго браўзеру