20.11.2018 / 19:28

Рыхтуецца падвышэнне мінімалкі 2

У Беларусі хочуць падняць у 2019 годзе мінімальную заработную плату да 330 рублёў - 95% мінімальнага спажывецкага бюджэту сям'і з 4 чалавек, паведамляе tut.by са спасылай на Федэрацыю прафсаюзаў. Цяпер мінімальная заработная плата складае 305 рублёў.

Раней прэм'ер-міністр Сяргей Румас, прадстаўляючы праграму дзейнасці ўрада на 2018-2020 гады на пасяджэнні Палаты прадстаўнікоў, заявіў, што ў Беларусі хочуць павысіць мінімальную зарплату да мінімальнага спажывецкага бюджэту.

Раней ва ўрадзе заяўлялі, што займаюцца падрыхтоўкай прапановы па больш хуткім павышэнні мінімальнай зарплаты, яе хочуць павышаць раз у квартал. Цяпер мінімалка павялічваецца адзін раз у год - у студзені.

Нагадаем, улады планавалі да канца 2018 года ўсталяваць памер мінімальнай зарплаты, якая зараз складае 305 рублёў, не ніжэйшы за ўзровень сярэднедушавога мінімальнага спажывецкага бюджэту для сям'і з чатырох чалавек і не менш за траціну ад сярэдняй зарплаты па рэспубліцы. Гэта прадугледжана генпагадненнем паміж урадам, рэспубліканскім аб'яднаннем наймальнікаў і прафсаюзамі на 2016-2018 гады.

Беларусь прыкметна саступае практычна ўсім краінам-суседзям па памеры мінімалкі (ніжэй гэты паказчык толькі ва Украіне).

0
Мiця Выкручанскi / Адказаць
21.11.2018 / 09:51
...поднимай не поднимай !...с голым ЗАДОМ стыдно в Рай !
0
mnb / Адказаць
21.11.2018 / 20:21
Минималка для Минска должна быть 1000 рублей, для не Минска – 700 руб при 40 часовой рабочей неделе. И нужно ввести уголовную ответственность для властей за отказ соискателям в предоставлении работы на полную ставку по специальности.
Каб пакінуць каментар, калі ласка, актывуйце JavaScript у наладах свайго браўзеру