А найгорай у выніку бясснежнай і цёплай зімы ў Беларусі зайцам-белякам. Яны не могуць надзейна схавацца ад драпежнікаў, бо памянялі футра з шэрага на белае.
У Бярэзінскім запаведніку праз адсутнасць снегу зайчыкі сталі лёгкаю здабычаю для драпежных птушак.
Анамальныя паводзіны характэрныя і для іншых жывёл. Як адзін папрачыналіся барсукі, які яшчэ два месяцы таму нібыта дэкларавалі пра тое, што кладуцца спаць,.
Мядзведзі спаць і не збіраюцца. Праўда, навукоўцы бачаць у гэтым станоўчы фактар. Позні сон добра ўплывае на беларускіх мішак. Яны становяцца больш моцнымі, бо не трацяць запасы арганізму на працяглы сон.
Цікава, што гэту душэўную навіну ў якасці галоўнай паведаміла сёння раніцай радыёстанцыя Эхо Москвы са спасылкай на Інтэрфакс.
Пакуль жа снег у Еўропе выклікае лёгкую зайздрасць. Калі, напрыклад, глядзіш рэпартажы з Кубку свету па біятлоне, што гэтымі днямі праходзіць у шведскім Эстэрсундзе (учора, дарэчы, Рустам Валіулін заняў там 9-е месца ў спрынце, а Дар’я Домрачава – 10-е).
Снегу там вышэй за калена, ён усё падае і падае. Елкі стаяць у прыгожых белых футрах.
Сіноптыкі прагназуюць пахаладанне і ў Беларусі.
Сёння захаваецца плюсавая тэмпература, а ў ноч на панядзелак пахаладае. Уначы будзе 0 -2, раніцай пойдзе снег. Удзень -1 +1. Раніцай аўторак -5 С. Атмасферны ціск паціху будзе расці (з 738 мм да 743).
