21.11.2018 / 22:47

Расія перасцерагла Украіну ад спроб перагледзець статус Азоўскага мора 7

У МЗС РФ заявілі, што Масква рашуча адхіляе любыя абвінавачванні ў агрэсіўных і незаконных дзеяннях у Азоўскім моры і Керчанскім праліве, піша ТАСС.

Расія перасцерагае Украіну ад спробаў перагледзець цяперашні статус Азоўскага мора, якія супярэчаць міжнароднаму праву. Пра гэта гаворыцца ў пашыранай у сераду заяве МЗС РФ.

Як адзначаецца, Масква «адкрытая да канструктыўнага дыялогу па сітуацыі ў Азоўскім моры. У МЗС заклікалі Кіеў «устрымацца ад любых авантур», скіраваных на «аднабаковае вызначэнне дзяржмяжы ў Азоўскім моры, якую РФ не прызнае».

У расійскім дыпведамстве папярэдзілі, што «адказнасць за магчымае далейшае абвастрэнне сітуацыі ў Азова-Керчанскай акваторыі кладзецца на Украіну і дзяржавы, што падтрымліваюць яе правакацыйныя дзеянні». Таксама Масква адхіляе ўсе абвінавачанні Кіева ў агрэсіўных і незаконных дзеяннях у Керчанскім праліве і Азоўскім моры.

У МЗС РФ сцвярджаюць, што Расія не нарошчвае вайсковую прысутнасць у рэгіёне, насуперак заявам Кіева і Бруселя, удакладніўшы, што ў асноўным дыслакаваныя там сілы выкарыстоўваюцца для аховы Крымскага моста.

25
Хома Брут / Адказаць
21.11.2018 / 23:20
пусть сами разбираются... только без стрельбы...
1
Niemand / Адказаць
21.11.2018 / 23:24
А інакш што, "запаребрікі"? Выпусціце са свайго ТБ чарговую порцыю серкавадароду? Не хвалюйцеся так, заляшанчыкі. Усьо будзе пісьменна - спачатку украі'нці "вылюбят" вас па цяперашняй (неда-)дамове, а потым зменяць прававы статус Азова - і "вылюбят" вас яшчэ раз па-новаму. Гібрыдненька так, як вы і любіце.
1
ales' / Адказаць
22.11.2018 / 06:37
Бач ты, пра міжнароднае права загаманілі...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру