22.11.2018 / 17:34

МНС за 100 тысяч даляраў прадае сакрэтны ваенны бункер пад Камянцом 7

МНС прадае сакрэтны ваенны бункер «Рубрыка», размешчаны ў Камянецкім раёне. Першапачатковы кошт — каля 100 тысяч даляраў, піша sb.by.

Фота Валянціна Ежалова

Пабудаваны радыёцэнтр «Рубрыка» ў канцы 1960-х гадоў. У 1991 годзе планавалася рэканструкцыя аб'екта. Частка абсталявання завезлі ў Камянец. Але на мадэрнізацыі паставіў крыж развал СССР.

«Рубрыка» ў мінулым — адна вайсковая часць і два вузлы сувязі. Перадатчыкі размяшчаліся каля вёскі Дварцы Камянецкага раёна, а пункт кіравання — у пасёлку Прыазёрны. Паміж імі амаль трыццаць кіламетраў. «Рубрыка», якая перадавала сігналы, параскрадана, а тая, што прымала сігналы, да гэтага часу на балансе МНС.

Дзякуючы выратавальнікам фартыфікацыйны будынак для аператыўнага складу захаваўся амаль у арыгінале.

У 2013 годзе карэспандэнту «СБ. Беларусь сегодня» першым з журналістаў удалося спусціцца ў сакрэтны будынак на тры паверхі пад зямлёй. Калісьці па каналах «Рубрыкі» можна было трымаць сувязь нават з Кубай, зараз там сляды спешнага сыходу вайскоўцаў. Суперсвязь маўчыць. Таму, хто вырашыцца на куплю, прыйдзецца аднаўляць вентыляцыю, водазабеспячэнне, ацяпленне і змагацца з грыбком.

Прадстаўнік УМНС па Брэсцкай вобласці Аляксандр Ліхно, кантактная асоба для сувязі з патэнцыйнымі пакупнікамі, з сумам канстатуе:-

— МНС гэтая «падводная лодка» не патрэбна, гэта баласт сёння. Далі аб'яву, але пакуль ніхто не тэлефанаваў і не цікавіўся.

Хочаш падзяліцца важнай інфармацыяй ананімна і канфідэнцыйна?

0
Павел Ас / Адказаць
22.11.2018 / 18:07
Мдя, столькі грошай у свой час у глебу зарылі :( Лепей, што небудзь карыснае пабудавалі.
0
Вожык / Адказаць
22.11.2018 / 18:21
За 10k трэба выстау́ляць
0
вораг народа / Адказаць
22.11.2018 / 19:22
Я там служыў у ЗАСе ў 1973-75 гадах вч 11954) пад зямлёй на 2-м паверсе, АКМ - пм3945
Абслугоўвала цэнтр рота сувязі. Тады там быў найноўшы савецкі кампьютэр "Эльбрус", які перастаўляў фанемы у словах, каб гутарку нельга было зразумець. Званіў адтуль сябрам па усім свеце , нават сябру свайму Мішку, які плаваў на вялікі караблі каля Амерыкі, дазваніўся да адмірала, папрасіў паклікаць старшыну другой стацці))) Ён паклікаў) Сябар ледзь не сканаў там, пакуль у адміральскай каюце быў, ад страху)))
Там можна было б зрабіць найвыдатнейшае сховішча для гародніны, а каштоўных металаў там было як залатога запасу ў Беларусі. Правады сярэбраныя, клемы залатыя.
Я дужа шкадую, што разрабавалі ўсё гэта палкоўнікі.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру