Касю Салаўёву хочуць абвінаваціць у супраціве і нападзе на супрацоўніка міліцыі.
Дзяўчына падпісалаcя пад распараджэннем, што будзе з'яўляцца на допыт на першае патрабаванне пракурора.
6 снежня Кася Салаўёва разам з актывістамі розных моладзевых арганізацый удзельнічала ў акцыі салідарнасці з Аляксандрам Баразенкам. Акцыі праходзілі на вуліцы Валадарскага і на Кастрычніцкай плошчы Менску.
Паводле сведчанняў сябраў незарэгістраванай арганізацыі «Малады фронт» і кампаніі «Еўрапейская Беларусь», байцы спецназу міліцыі ў часе разгону акцыі груба штурхалі дзяўчат, некаторых нават збівалі.
Некалькіх удзельнікаў акцыі затрымалі. Пазней усіх, акрамя Касі Салаўёвай, адпусцілі. Падчас затрымання Салаўёва закранула твар спецназаўца. У таго з'явілася малапрыкметная драпіна.
Гэта стала падставаю, каб дзяўчыну ўсю ноч трымалі ў міліцыі Цэнтральнага раёну Менску.
