Пра гэта паведамляе мясцовая «Брянская газета». У мерапрыемстве, якое пройдзе 28—29 лістапада, анансуецца ўдзел «дэпутатаў і прадстаўнікоў улады» дзвюх краін.
Сярод пытанняў для абмеркавання — «магчымыя змены заканадаўства дзеля паскарэння дзелавога супрацоўніцтва». Адзначаецца, што «ўдзельнікі сустрэчы пагавораць аб бар'ерах і абмежаваннях ў законах, якія перашкаджаюць развіццю ўзаемнага гандлю».
Анансуецца ўдзел «дэпутатаў Парламенцкага Сходу Беларусі». Такога органа не існуе. Магчыма, маецца на ўвазе Парламенцкі сход саюзнай дзяржавы Беларусі і Расіі.
Папярэдні форум муніцыпальных дэпутатаў з сумежных рэгіёнаў, зладжаны ў Бранску, скончыўся прыняццём рэзалюцыі пра аб'яднанне Беларусі і Расіі. Пад ёй стаялі і подпісы ўдзельнікаў з беларускага боку, хоць яны сцвярджаюць, што нічога не падпісвалі.
Чытайце: Беларускіх дэпутатаў выкарысталі для прасоўвання думкі, што аб'яднанне з Расіяй непазбежнае
