27.11.2018 / 13:38

У Мінск з Кіева вярнулі амаль 50 расіянаў, якія ляцелі «Белавія» 45

Амаль пяцьдзясят грамадзян Расіі, якія ляцелі ў Кіеў праз Мінск, вярнулі ў беларускую сталіцу з-за таго, што іх не прапусцілі ўкраінскія памежнікі. Інфармацыю TUT.BY пацвердзіў Дзяржпагранкамітэт Беларусі.

Паводле інфармацыі расійскіх «Известий», у панядзелак увечары памежнікі Украіны не пусцілі ў краіну каля 30 расіянаў, якія прыехалі ў Кіеў (аэрапорт Жуляны) рэйсамі «Белавія». Авіякампанія павінна была адправіць расіянаў назад у Мінск першым жа рэйсам.

У Дзяржаўным памежным камітэце Беларусі ў размове з TUT.BY пацвердзілі інфармацыю аб вяртанні некаторых расіянаў.

— Пачынаючы з учорашняга дня амаль пяцьдзясят чалавек вярнулі ў Мінск. Гэта закранула чатыры рэйсы «Белавія»: трох учора і яшчэ аднаго сёння. Самая шматлікая група вернутых была сёння. Калі ўчора вярнуліся 12 чалавек, то сёння — 35, — распавёў афіцыйны прадстаўнік Дзяржпагранкамітэта Антон Бычкоўскі.

Прадстаўнік Дзяржпагранкамітэта адзначае, што да ўсіх гэтых расіянаў у беларускіх пагранічнікаў на вылеце не ўзнікла пытанняў.

— Мы іх аформілі вызначаным парадкам, яны паляцелі рэйсамі ва Украіну, затым вярнуліся назад з-за няпропуску сумежнай краінай. Прычына няпропуску не называецца. Інфармацыі ад дзяржаўнай памежнай службы Украіны па змяненні парадку перасячэння мяжы замежнымі грамадзянамі, у тым ліку Расійскай Федэрацыі, не паступала, - паведаміў Антон Бычкоўскі.

Адзначым, што выкарыстоўваюць мінскі аэрапорт як транзітны для палётаў ва Украіну ў тым ліку пасажыры ўкраінскай авіякампаніі «МАУ». Паводле інфармацыі Дзяржаўнага памежнага камітэта Беларусі, з гэтымі рэйсамі грамадзян Расійскай Федэрацыі ў Мінск не вярталі.

16
Satan / Адказаць
27.11.2018 / 13:45
Я бы на месте Путина их всех казнил. Очень непатриотично поступают граждане России, есть Крым, есть Сахалин, а они к бандеровцам и фашистам в гости летят. 
Расстрелять!(с) И.В. Сталин
11
Белачупакабра / Адказаць
27.11.2018 / 13:45
Людзi пакутваюць з-за ...уйла
8
Во дают / Адказаць
27.11.2018 / 13:47
А слабо сообщить сколько из них было мужского военнообязанного пола.
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру