Увага будзе прыкутая да нядаўна ахопленых беспарадкамі Афінаў, дзе кіпрскі «Анортасіс» (знаўцы кажуць, што націск тут на другі склад) паспрабуе здзейсніць цуд — выйсці ў плей‑оф Лігі чэмпіёнаў.
Дзеля гэтага клубу, які трэніруе харызматычны грузінскі спецыяліст з абхазскім прозвішчам Цемуры Кецбая, трэба ўсяго толькі перамагчы «Панацінаікас». У гэтай групе пуцёўку ў 1/8 фіналу ўжо забяспечыў сабе міланскі «Інтэр».
Турнірнае становішча ў групе «В»: Інтэр — 8, Панацінаікас — 7, Анортасіс — 6, Вердэр — 4.
Сёння таксама згуляюць «Вердэр» і «Інтэр».
***
У групе «С» «Барселона» згуляе з данецкім «Шахцёрам».
Трэнер каталонцаў Пеп Гвардыёла напярэдадні «суперкласіко» з «Рэалам» (14 снежня) дае адпачыць васьмі асноўным гульцам: Даніэлу Алвешу, Карлес Пуёлю, Рафаэлю Маркесу, Яя Турэ, Ліянелю Месі, Хаві, Цьеры Анры і Віктару Вальдэсу. І, відаць, Аляксандр Глеб выйдзе ў асноўным складзе і нарэшце заб'е свой першы мяч за «Барсу».
У гэтай групе «Базель» згуляе з лісабонскім «Спортынгам».
Турнірнае становішча: Барселона — 13, Спортынг — 9, Шахцёр — 6, Базель — 1.
«Барса» і «Спортынг» яшчэ пасля 4 туру выйшлі ў 1/8 фіналу, Шахцёр прабіўся ў Кубак УЕФА.
***
Група «А»: «Чэлсі»; — ЧФР (Клуж), «Рома» — «Бардо».
Турнірнае становішча: Рома — 9, Чэлсі — 8, Бардо — 7, ЧФР — 4.
Толькі ЧФР не прэтэндуе ўжо тут ні на што.
***
Група «D»: «Марсэль» ‑‑ «Атлетыка» Мадрыд, ПСВ — «Лівэрпуль»
Турнірнае становішча: Атлетыка, Лівэрпуль — па 11, ПСВ, Марсэль — па 3.
ПСВ і «Марсэль» паспрабуюць заваяваць пуцёўку ў Кубак УЕФА.
***
БТ пакажа сёння ў жывым эфіры матч «Панацінаікас» ‑‑ «Анортасіс».. Трансляцыя ў 21:40
У 00:10 агляд усіх матчаў дня.
Заўтра Ювэнтус - БАТЭ.
Самюэль Это'о і Аляксандар Глеб рыхтуюцца да матчу з «Шахцёрам». Фота з сайту gazeta.ua
