Рэдактар «НН» на БТ: Зісер і Золатава заслугоўваюць звання Героя Беларусі, а не крымінальнай справы ВІДЭА
Упершыню за доўгі час у «Клуб рэдактараў» на «Беларусь-1» запрасілі рэдактара «Нашай Нівы». Галоўнай тэмай гаворкі стала ўвядзенне смс-ідэнтыфікацыі каментатараў.
Ягор Марціновіч асудзіў новаўвядзенні ў Закон аб СМІ, датычныя правіл каментавання. На ягоную думку, ад іх выйграюць толькі фірмачкі, якія займаюцца рассылкай смс.
«У рэальным жыцці людзі вельмі жорстка крытыкуюць чыноўнікаў, палітыкаў і грамадскіх дзеячоў», — заўважыў Марціновіч.
Астатнія ўдзельнікі праграмы, у тым ліку міністр інфармацыі Аляксандр Карлюкевіч, увядзенне смс-ідэнтыфікацыі для каментатараў хвалілі.
У той жа час Марціновіч падтрымаў увядзенне квоты на долю нацыянальнага кантэнту на тэлеканалах. «Я пабачыў, што з эфіру АНТ прапала агрэсіўная расійская праграма «Час пакажа». Выдатна, здаравейшая будзе псіхіка беларусаў, — сказаў Марціновіч, на што Давыдзька адрэагаваў усмешкай. — А калі прыбраць з эфіру СТВ гэтыя шакуючыя гіпотэзы, што Зямля плоская, то будзе ўдвая лепш», — дадаў рэдактар «Нашай Нівы», звяртаючыся да прысутнага кіраўніка гэтага тэлеканала Луцкага.
«Гэта істотная ўстаноўка, што мы павінны жыць праблемамі Беларусі. Нам не трэба інтэрв’ю ў прайм-тайм з Малікавым, паклічце Алексіевіч», — заўважыў рэдактар «Нашай Нівы».
Ягор Марціновіч заклікаў актыўней ствараць нацыянальную інфармацыйную прастору і адзначыў ролю Тут.бая ў гэтым, перавёўшы размову на скандальную «Справу БелТА».
«Мы павінны сказаць дзякуй, што без капейкі дзяржаўных грошай людзі, патрыёты, змаглі стварыць такі партал. Міністэрства інфармацыі магло б хадайнічаць, каб Зісеру і Золатавай далі ордэн, а то і званне Героя Беларусі за ўнёсак у інфармацыйную бяспеку краіны, а мы бачым не ордэн, а крымінальную справу. Мы павінны ганарыцца тым, што інфармацыйны парадак дня вызначае не Яндэкс, а свае беларускія СМІ», — сказаў Марціновіч.
«Яны гэта ўзрасцілі на чужым кантэнце!» — пярэчыў рэдактар «Беларусі сегодня» Дзмітрый Жук.
У праграме гаворка ішла таксама пра канфлікт гомельскага блогера Філіповіча і пажарнага, а таксама пра крытыку дэпутаткай Ганнай Канапацкай фактычнай манапалізацыі доступу да інфармацыі групай дзяржаўных СМІ.
Цяпер чытаюць
Азараў закрыў план «Перамога» і перавёў усіх удзельнікаў у рэзерв12
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве2828
Каментары