01.12.2018 / 14:24

Лукашэнка: Нас ужо ледзь не ў НАТА гатовыя ўзяць, а Расію апускаюць і нахіляюць 4

У інтэрв'ю расійскаму тэлеканалу «Расія-24» Аляксандр Лукашэнка заявіў, што немагчыма велізарную тэрыторыю ЕАЭС з насельніцтвам пад 200 мільёнаў чалавек і спалучэннем эканомік, прадпрыемстваў кудысьці «апусціць» з дапамогай санкцый.

Фота: Сяргей Брылёў.

«Тым больш самая буйная эканоміка свету заўтра — Кітай. Мы з ім у бліскучых адносінах. Але толькі ні пад кога не трэба класціся. Мы гордыя савецкія людзі з таго перыяду, мы не гэта цярпелі. Вакол былі жалезныя заслоны, і мы жылі», — падкрэсліў кіраўнік дзяржавы.

Разам з гэтым ён канстатаваў, што будзе складана, бо краіны на постсавецкай прасторы спрабуюць расцягнуць.

«У Цэнтральнай Азіі свае інтарэсы. Я ведаю, пра што кажу. Бачыце, што ва Украіне адбываецца. І да Беларусі дабраліся. Нас ужо ледзь не ў НАТА гатовыя ўзяць, толькі, вядома, каб улада памянялася, дэмакратыі пабольш, яшчэ чагосьці. Раней пра гэта не казалі. Ідзе барацьба, і пры гэтым адзін з кірункаў — гэта калі «нахіляюць» Расію, спрабуюць «апусціць», — дадаў кіраўнік Беларусі.

«Гэта таксама барацьба за Расію. Гэта будзе няпроста, таму нам трэба мазгі сабраць у кучу, паставіць мэту і ісці да яе. І мы гэта можам зрабіць», — падкрэсліў Аляксандр Лукашэнка.

0
хахаха / Адказаць
01.12.2018 / 22:18
Пра НАТА- эта штоб цану сабе набіць?
2
хахаха / Адказаць
01.12.2018 / 22:21
У Гаагу цябе хутчэй прымуць.
1
litvin Babrujskaha pavietu / Адказаць
01.12.2018 / 22:24

 ..пэрспэктывы аніякай...."савок"  працягваецца 
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру