05.12.2018 / 16:11

Міліцыя запрашае сфатаграфавацца з «Мінскім гарадавым» 9

На сайце МУС Беларусі ёсць старонка, прысвечаная музею гэтага ведамства. Там прапануецца цалкам бясплатна наведаць 5 залаў музея, дзе можна даведацца аб ахове правапарадку ў часы Вялікага княства Літоўскага і Рэчы Паспалітай, пазнаёміцца ​​з дзейнасцю беларускай міліцыі ў 1917 - 1939 гадах, вывучыць працу міліцыі ў перыяд Вялікай Айчыннай вайны і многае іншае, звяртае ўвагу kp.by.

Таксама тут паведамляецца, што недалёка ад будынка музея МУС на вуліцы Гарадскі Вал ўстаноўлена скульптурная група «Мінскі гарадавы». «Гэта ўдалае месца для памятнага фотаздымка», - паведамляецца на сайце МУС.

Скульптура «Мінскі гарадавы» стала адной з самых вядомых у сталіцы дзякуючы нядаўняму скандалу. На сайце МУС з'явіўся відэаролік, дзе 16-гадовы ліцэіст Арсеній просіць прабачэньня перад скульптурай. Паведамлялася, што хлопец «з хуліганскіх меркаванняў нанёс удар рукой па твары скульптурнай кампазіцыі». Яго затрымалі, склалі адміністрацыйны пратакол за дробнае хуліганства. Пазней было прынята рашэнне аб закрыцці адміністрацыйнай справы. Потым ля скульптуры ўзнік своесаблівы флэшмоб з ахвотных сфатаграфавацца.

Падлетак, які даў поўху скульптуры гарадавога, просіць прабачэння ў помніка і міліцыянтаў

Падлетка, які даў поўху гарадавому, апраўдалі: парушэння закону няма

Крыніцы: за іміджавы правал з выбачэннямі перад гарадавым звольнены прэс-сакратар МУС Георгій Яўчар

3
Кажыма праўду / Адказаць
05.12.2018 / 16:18
Чакайма ад МУС адказу на петыцыю:

«Прыбраць скульптуру гарадавога, якая правакуе жыхароў і супрацоўнікаў міліцыі на неадэкватныя дзеянні»

https://petitions.by/petitions/1958
2
кронан / Адказаць
05.12.2018 / 16:22
Ці мне аднаму падаецца, што ў прататыпа гэтага "гарадавога" яўны фізіялагічны недастатак - непрапарцыянальна кароткія ногі?
У той час, калі Менск тапталі гарадавыя, такіх называлі - юродзівы.
Хіба за 100 з лішак гадоў нічога не змянілася. Што тады, што зараз, на службу бяруць некіх - "юродзівых".
6
Stepan Bandera / Адказаць
05.12.2018 / 17:03
Кажыма праўду, >petitions
У Францыі выходзіць 1% людзей з-за павышэння аплаты на бензін і перакрываюць дарогі, ламаюць, грамяць і яны дамагаюцца свайго, у нас пішуць петыцыі і не дамагаюцца нічога. Памылка Плошчы 2010 была, што шмат хто проста стаў ўцякаць, калі амап пачаў прыжымать, біць і акружаць, памятаю як ўцякаў з людзьмі. Здаровы мужык і 1 худзенькая дзяўчына наадварот ішлі наперад, вось гэта сіла ды мужнасць, звалі нас, але всем было плеваць, большасць уцякала. Трэба было ўсім стаяць да апошняга. 50 000 яны б пасадзілі ??? канешне не. Вось хто быў у 2010 усе вінаватыя таксама як і нашыя продкі што аддалі краіну.
petitions николі нічога не давалі ў нас, колькі я не падпісываўся не аднаго рашэння ў нашу пользу прынята не было.
Вось вы яшчэ нападаеце на Філіповіча, так ён зрабіў больш чым большасць беларусаў да вы самі. Падпісвая петыцыі нічога не будзе. 
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру