05.12.2018 / 20:48

Жыхар Бабруйскага раёна знішчыў 55 соснаў, каб нарыхтаваць дровы 1

Жыхар Бабруйскага раёна незаконна высек 55 соснаў. Такім чынам ён вырашыў нарыхтаваць дровы на зіму. Пра гэта паведамілі ў Бабруйскім лясгасе. Высветліць парушальніка дапамагла камера фотавідэафіксацыі.

Камера зафіксавала трактар ​​МТЗ, які знаходзіўся ў лесе. На месца, дзе знаходзілася камера, выехалі работнікі лясной аховы і заспелі парушальніка, якім аказаўся 58-гадовы жыхар вёскі Дойнічава, на месцы злачынства. Да таго моманту ён ужо паспеў высечы 55 дрэў. Па словах мужчыны, ён нарыхтоўваў дровы для сябе.

Урон склаў амаль 585 рублёў.

Акрамя гэтага, парушальніку прыйдзецца яшчэ і аплаціць штраф.

2
Максим Дизайнер / Адказаць
06.12.2018 / 11:59
Мая хата с краю, астальное гары усе хоть синим пламИнИм
Каб пакінуць каментар, калі ласка, актывуйце JavaScript у наладах свайго браўзеру