Старшыня Беларускай рэспубліканскай калегіі адвакатаў Віктар Чайчыц падчас круглага стала ў «СБ. Беларусь сёння» зрабіў шэраг адметных заяваў.
Адна з іх датычылася аднолькавай пазіцыі, якую часцяком займаюць пракуратура і суд.
«Сёння абставіны складваюцца так, што сапраўды часам суд не пагаджаецца з тым, што запрасіў пракурор. Але ў большасці выпадкаў адбываецца наадварот.
А ў людзей не заўсёды ёсць разуменне таго, што пракурор прапанаваў узважанае пакаранне, суд ацаніў гэтую прапанову і пагадзіўся з ёй», — заявіў Чайчыц.
Апроч таго, адвакат выказаўся пра пакаранне для наркадылераў. Пакуль максімальнае пакаранне складае 25 гадоў.
«На мой погляд, верхнія санкцыі для рэальных наркадылераў могуць быць яшчэ вышэйшыя.
… А ніжнія можна наогул прыбраць. Каб суд меў магчымасць у залежнасці ад абставін справы і асобы вінаватага ў рамках санкцый выкарыстоўваць у якасці пакарання ў тым ліку і мінімальны тэрмін пазбаўлення волі. Каб чалавек, знаходзячыся ў месцах пазбаўлення волі, за паўгода ці год зразумеў, што здзейсніў, і вярнуўся ў грамадства паўнапраўным грамадзянінам. Таму што нават калі дадуць 5 гадоў, гэта вельмі небяспечна для маладога чалавека».