06.12.2018 / 10:00

Лукашэнка паляцеў у Расію

Аляксандр Лукашэнка адправіўся з рабочым візітам у Расійскую Федэрацыю. Самалёт кіраўніка дзяржавы вылецеў з Нацыянальнага аэрапорта Мінск, піша БелТА.

У Санкт-Пецярбургу Аляксандр Лукашэнка прыме ўдзел у пасяджэнні Найвышэйшага Еўразійскага эканамічнага савета. Перамовы лідараў краін ЕАЭС пройдуць у вузкім і пашыраным складах. Кіраўнікі дзяржаў абмяркуюць далейшае развіццё інтэграцыйных працэсаў, рэалізацыю лічбавага парадку дня cаюза, фарміраванне агульных рынкаў газу, нафты і нафтапрадуктаў.

Пасля саміту ЕАЭС Аляксандр Лукашэнка накіруецца на нефармальную сустрэчу кіраўнікоў дзяржаў — удзельніц СНД.

Каб пакінуць каментар, калі ласка, актывуйце JavaScript у наладах свайго браўзеру