06.12.2018 / 13:04

Увесь грамадскі транспарт у Люксембургу стане бясплатным

Wikimedia Commons

Урад Люксембурга летам 2019 года адменіць плату за праезд у цягніках, трамваях і аўтобусах, паведамляе The Guardian.

Аб планах зрабіць грамадскі транспарт бясплатным абвясцілі пасля таго, як прэм'ер-міністр пераабранага ўрада Люксембурга Ксавье Бетэль быў прыведзены да прысягі 5 снежня. Сярод іншых планаў урада — легалізацыя рэкрэацыйнага ўжывання марыхуаны і ўвядзенне двух новых дзяржаўных святаў.

The Guardian адзначае, што пытанне аб тым, ці стане бясплатным праезд у вагонах цягнікоў першага і другога класа, пакуль не вырашана.

Зараз праезд у Люксембургу каштуе два еўра за паездку да дзвюх гадзін — за гэты час можна праехаць большую частку краіны. Дзеці і падлеткі ва ўзросце да 20 гадоў могуць ездзіць бясплатна.

Каб пакінуць каментар, калі ласка, актывуйце JavaScript у наладах свайго браўзеру