06.12.2018 / 13:20

Шуневіч: У Беларусі больш за 3000 неанацыстаў 16

Фота Волі Афіцэравай

Прадстаўляючы ў парламенце законапраект аб узмацненні барацьбы з прапагандай нацызму і экстрэмізму, міністр унутраных спраў Ігар Шуневіч адказаў на пытанне: хто такія беларускія неанацысты, піша Tut.by.

Сёння МУС фіксуе ў Беларусі больш за 3000 актыўных прыхільнікаў неанацызму і нацызму, паведаміў міністр.

— Гэта маладыя мужчыны да 40 гадоў, што правіла, якія вядуць маргінальны лад жыцця, нежанатыя, бяздзетныя, непрацаўладкаваныя, якія часам злоўжываюць алкаголем і наркотыкамі. Яны, як правіла, вылучаюцца павышанай агрэсіўнасцю і жорсткасцю, — распавёў Ігар Шуневіч.

Паводле яго слоў, большасць з іх неаднаразова прыцягвалася да адміністрацыйнай і крымінальнай адказнасці, частка сёння знаходзіцца «ў месцах не надта аддаленых».

— Многія з іх, падкрэсліваю, гэта былыя альбо дзейныя фанаты футбольных клубаў, а таксама скінхэды, так званыя. Яны прытрымліваюцца ідэалогіі нацысцкай Германіі, выступаючы за перавагу белай расы.

Міністр паведаміў, што неанацыстамі, у асноўным, становяцца людзі, якія выраслі у нешчаслівых сем'ях, «там, дзе не надавалася належнай увагі выхаванню дзяцей».

- І грэбаванне грамадскай маральнасцю - гэта іх асаблівая адметная рыса сёння, - сказаў Ігар Шуневіч.

4
LitvinM / Адказаць
06.12.2018 / 13:43
Паслухай, генерал, мы ўжо шмат чаго чулі - пра пацукоў у вадаправодзе, пра зброю з Украіны, пра сякеры і ламы на плошчы 2010, пра баевікоў Белага легіену.... Неймаверна шмат лухты з вуснаў сілавікоў Вы - аХфіцер - так і працягваеце люд за дэбілаў трымаць ды й грошы людскія распільваць з буджету на свае байкі ? Ці сумленьне і годнасьць вам увогуле цалкам неведама як вашым кумірам у форме НКУС ?
4
Лит. / Адказаць
06.12.2018 / 13:53
По литовски его фамилия звучит как собакевич...:-)
8
Жвір / Адказаць
06.12.2018 / 14:02
Неанацысты забараняюць беларускамоўную вышэйшую адукацыю. Фактычна адмаўляюць мове ў існаваньні, пазбаўляюць людзей элементарных правоў. Неанацысты амаральныя асобы, яны апраўдваюць камуністычны ткрор і апранаюцца ў форму забойцаў-тэрарыстаў. Гэткі неанацызм супраць беларускага народу не перасьледуецца... 
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру