06.12.2018 / 16:57

Нацыянальны інстытут адукацыі: Якая памылка? Паўстанне Каліноўскага пачалося на этнічных польскіх тэрыторыях 15

Нацыянальны інстытут адукацыі даў афіцыйны каментар наконт сітуацыі са скандальным падручнікам па рускай літаратуры за 8 клас.

Чытайце: У новых падручніках па літаратуры паўстанне Каліноўскага назвалі «польскім». Сярод рэцэнзентаў — актывісты фонду «Русскій мір»

«У навучальным дапаможніку па рускай літаратуры для 8 класа (аўтары — С. Захарава, Т. Марозава, Г. Цыбульская) у раздзеле «Літаратура другой паловы ХІХ стагоддзя» паўстанне 1863—1864 гадоў згадана як «польскае».

Паколькі паўстанне 1863—1864 гг. было арганізавана і пачалося на этнічных польскіх (падкрэслена спецыялістамі інстытута адукацыі — Рэд.) тэрыторыях, а затым распаўсюдзілася на землі Літвы і Беларусі, лічым, што інфармацыя аб дадзеным паўстанні ў навучальным дапаможніку, які не прадугледжвае засваенне зместу гістарычнай адукацыі, не з'яўляецца памылкай.

Акрамя таго, у адпаведнасці з вучэбнай праграмай па вучэбным прадмеце «Гісторыя Беларусі» паўстанне 1863—1864 гг. вывучаецца ў той жа час, што і тэма «Літаратура другой паловы ХІХ стагоддзя», што дазваляе стварыць у навучэнцаў поўнае і аб'ектыўнае ўяўленне пра гэты гістарычны перыяд», — гаворыцца ў адказе, атрыманым «Камсамольскай праўдай».

Нацыянальны інстытут адукацыі — установа, якая выдае школьныя падручнікі. Яго дырэктарка — 50-гадовы гісторык Валянціна Гінчук. Яна нарадзілася ва Украіне, скончыла Мінскі дзяржаўны педагагічны інстытут па спецыяльнасці «гісторыя і замежная мова». Працавала настаўнікам і завучам у Ашмянах і Мінску. З 2002 года працуе ў Нацыянальным інстытуце адукацыі. Настаўнік года — 1997.

Дырэктарка Нацыянальнага інстытута адукацыі Валянціна Гінчук. Фота adu.by

8
Анцiк / Адказаць
06.12.2018 / 17:21
на землях Литвы? да лан, ни литоуцы ни украинцы не билися за «Краину абодвух народау» бо не были ани першым ани другим
11
Nieviadomy karystalnik / Адказаць
06.12.2018 / 17:24
Каб яно было чыста польскім, то і абмежавалася тэрыторыямі этнічных палякаў. Проста прызналі бы, што кіруюцца рускацэнтрычнай гісторыяй, а не нацыянальнай
12
еуые / Адказаць
06.12.2018 / 17:43
Дзякуючы такім фунцыянерам праводзіцца антыбеларуская дзейнасць на нашай тэрыторыі. Як правільна сказаў сп. Прафесар Краўцэвіч, некаторымі гісторыкамі павінен заняцца КДБ.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру