07.12.2018 / 13:16

На аўкцыён выставілі калекцыю асуджанага бізнэсмена Дземчука — георгіеўскія крыжы па $4 тысячы 2

Дзяржава працягвае прадаваць маёмасць асуджанага за махлярства бізнэсоўца Сяргея Дземчука. На гэты раз на таргі выстаўлены цікавыя лоты — 163 ордэны, медалі і памятныя знакі, якія маюць культурную каштоўнасць, паведамляе tut.by.

Сяргей Дзямчук вядомы як мінімум тым, што будаваў на сродкі дольшчыкаў бізнэс-цэнтр на Інтэрнацыянальнай і элітны дом «Поры года» на Кісялёва. Але ў 2012 годзе прадпрымальнік на 8 гадоў трапіў за краты за махлярства. Першы аб'ект ужо знеслі, другі — з цяжкасцю здалі усім светам. Раней горад выстаўляў на продаж кватэры Дземчука ў гэтым будынку, але, мабыць, для пагашэння даўгоў гэтага недастаткова.

Таму дзяржава аб'явіла аўкцыён па продажы прадметаў, якія належаць бізнэсмену. Гаворка ідзе пра 163 ордэны, медалі і памятныя знакі, многія з якіх маюць культурную каштоўнасць.

Выява з сайта medalirus.ru. Носіць ілюстрацыйны характар.

Сярод іх — медалі Расійскай імперыі, расійскія і савецкія манеты, жэтоны і нават пагоны. Цэны лотаў — ад пары рублёў да 15 тысяч. Вось некаторыя характэрныя з іх:

— Георгіеўскі крыж III ступені, Расійская імперыя, метал белага колеру, пачатковы кошт 8 282,8 беларускага рубля.

— Георгіеўскі крыж IV ступені, Расійская імперыя, метал белага колеру, пачатковы кошт 7868,66 беларускага рубля.

— Медаль «За ўціхамірванне польскага мяцяжу 1863-1864 гг.», Расійская імперыя, пачатковы кошт 310,6 беларускага рубля.

— Медаль «За ўціхамірванне Венгрыі і Трансільваніі», Расійская імперыя, пачатковы кошт 828,28 беларускага рубля.

— Медаль «За ўзяцце прыступам Варшавы», Расійская імперыя, пачатковы кошт 1 035,35 беларускага рубля.

— Медаль «За заваяванне Чачні і Дагестана 1840-1859 гг.», Расійская імперыя, пачатковы кошт 310,6 беларускага рубля.

— Медаль «У памяць каранацыі Імператара Мікалая II», Расійская імперыя, пачатковы кошт 186,36 беларускага рубля.

— Медаль «За бездакорную службу ў паліцыі», Мікалай II, Расійская імперыя, пачатковы кошт 517,67 беларускага рубля.

Поўны спіс — вось тут.

Таргі пройдуць 27 снежня а 10 раніцы па адрасе: Калектарная, 3, кабінет 205. 

2
Serg / Адказаць
07.12.2018 / 13:50
Это еще неполный список моих медалей! А где еще 4 героя советского союза и медали за победу над Германией и Японией!!!
0
Верамей Руслан / Адказаць
08.12.2018 / 00:14
Ацанілі да капейкі, а ўсё адно "метал белага колеру". Напрыканцы часоў Расейскай Імперыі георгіеўскія крыжы былі вас ўсіх, хто меў патрэбу, бо купіць біжутэрнвя фальшакі можна было ледзь на на любым рагу вуліцы. Экспертнае заключэнне аб сапраўднасці будзе? Ці толькі на кошт арыентавацца?
Каб пакінуць каментар, калі ласка, актывуйце JavaScript у наладах свайго браўзеру