09.12.2018 / 12:23

У Рэчыцы навучэнку каледжа пазбавілі права распараджацца стыпендыяй 3

Пракурор Рэчыцкага раёна ў кастрычніку звярнуўся ў суд раёна ў інтарэсах Рэчыцкага дзяржаўнага аграрнага каледжа аб пазбаўленні навучэнкі права самастойна распараджацца стыпендыяй, піша dneprovec.by.

Непаўналетняя навучэнка аграрнага каледжа на працягу года два разы прыцягвалася да адміністрацыйнай адказнасці за распіццё спіртнога ў грамадскім месцы. Купляла алкаголь яна за грошы са стыпендыі.

Акрамя таго, навучэнка стаяла на ўліку ў падлеткавага доктара-нарколага. Прафілактычная работа з боку Рэчыцкага РАУС і ўстановы адукацыі не давала станоўчага выніку.

Рашэннем ад 15 лістапада суд пазбавіў навучэнку права самастойна распараджацца стыпендыяй. Па ўступленні рашэння ў законную сілу будзе вызначана асоба, на якую ўскладуць абавязак атрымліваць і выдаткоўваць грошы ў інтарэсах навучэнкі.

Згодна з дзейным заканадаўствам, дзяржава забяспечвае недатыкальнасць асобы дзiцяцi, абараняе ад уцягнення ў злачынную дзейнасць, далучэння да спiртных напiткаў, немедыцынскага ўжывання наркатычных, таксiчных, псiхатропных i iншых моцнадзейных адурманьваючых рэчываў.

У адпаведнасці з часткай 4 артыкула 25 Грамадзянскага кодэкса Рэспублікі Беларусь пры наяўнасці дастатковых падстаў суд можа абмежаваць або пазбавіць непаўналетняга ад 14 да 18 гадоў права самастойна распараджацца сваім заробкам, стыпендыяй ці іншымі прыбыткамі.

22
Szsz. / Адказаць
09.12.2018 / 13:19
А лучше выгнать из колледжа и отправить лечиться в наркологию. Чтобы жизнь малиной не казалась.
5
Serg / Адказаць
09.12.2018 / 13:26
А Конюка, Сукало и Миклошевича нужно лишить пенсий, зарплаты и личного транспорта!!! Живут по амеровской конституции вместо действующей советской!!!
0
Святлана / Адказаць
09.12.2018 / 20:06
А вучыцца навучэнка каледжа "на выдатна"? Прэтэнзій па вучобе, відаць, няма....
Каб пакінуць каментар, калі ласка, актывуйце JavaScript у наладах свайго браўзеру