09.12.2018 / 12:51

На журналістку «Новага Часу» склалі пратакол за асвятленне акцыі каля пасольства Расіі 2

Дзіяна Серадзюк прысутнічала на акцыі побач з пасольствам Расіі ў Мінску, бо рыхтавала матэрыял. Але ў міліцыі мяркуюць, што Дзіяна «ўстанавіла папяровы караблік побач з агароджай пасольства», то бок удзельнічала ў акцыі, піша baj.by

Дзіяна Серадзюк. Фота з Facebook.

З Цэнтральнага РУУС Мінска Дзіяне Серадзюк прыйшоў пратакол: міліцыянты палічылі, што Дзіяна не асвятляла акцыю па ўскладанні караблікаў да Расійскай амбасады ў якасці журналіста, а брала ў ёй удзел.

І тым самым парушыла арт.10 Закона «Аб масавых мерапрыемствах у РБ», парадак правядзення пікетавання, што выявілася ў прыняцці яе ўдзелу ў пікетаванні у складзе групы грамадзян без адпаведнага дазволу Мінгарвыканкама з мэтай публічнага выказвання сваiх адносiнаў да затрымання Расіяй ўкраінскіх ваенных караблёў у Керчанскім праліве, падчас якога ўстанавіла да агароджы будынка амбасады Расіі папяровы караблік з выявай ўкраінскага сцяга».

Дзіяна падкрэсліла, што на акцыі яна прысутнічала як журналіст: здымала ўдзельнікаў акцыі, апытвала іх. Да таго ж акцыю здымаў на відэа супрацоўнік міліцыі, і ўсё, што адбывалася побач з пасольствам, мусіць быць зафіксавана.

У пратаколе, які даслалі па пошце, указана, што Дзіяна Серадзюк не з'явілася ў міліцыю для апытання. Хаця, паводле слоў журналісткі, ніхто яе і не выклікаў.

48
Ляксандра / Адказаць
09.12.2018 / 14:02
Ну калі папалася,то стойка вытрымай.Не,абвязкова катэгарычна ўсё адмаўляць.Ну здымалі ж там хлопцы,на запісу ўсё відаць.Судзіся,калі твая праўда.Што за дрэнныя прывычкі?
1
вусцішны троль / Адказаць
09.12.2018 / 20:32
Ляксандра, да сівых валасоў дажыў, а розуму так і не прыдбаў 
Каб пакінуць каментар, калі ласка, актывуйце JavaScript у наладах свайго браўзеру