10.12.2018 / 12:37

Алена Купчына абрана старшынёй саліднага камітэта пры ААН 1

БелТА

Пастаянны прадстаўнік Беларусі пры міжнародных арганізацыях у Вене Алена Купчына абраная старшынёй Камісіі па прадухіленні злачыннасці і крымінальным правасуддзі Эканамічнага і сацыяльнага савета ААН (ЭКАСАС). Такое рашэнне было прынята падчас 27-й сесіі камісіі 6-7 снежня ў Вене, піша БелТА.

Прадстаўнік Беларусі быў абраны на пасаду кіраўніка функцыянальнай камісіі ЭКАСАС ААН упершыню. Купчына будзе займаць гэтую пасаду да сярэдзіны снежня 2019 года.

ЭКАСАС займае цэнтральнае месца ў дзейнасці сістэмы ААН па прасоўванні ўсіх трох аспектаў ўстойлівага развіцця — эканамічнага, сацыяльнага і экалагічнага. У склад савета ўваходзяць восем функцыянальных камісій, дзве з якіх — па прадухіленні злачыннасці і крымінальным правасуддзі і па наркатычных сродках — працуюць на базе Аддзялення ААН у Вене.

Камісія па прадухіленні злачыннасці — цэнтральны орган сістэмы ААН, які адказвае за фармуляванне міжнародных падыходаў у галіне папярэджання злачыннасці і ажыццяўлення крымінальнага правасуддзя, у тым ліку ў такіх сферах, як барацьба з гандлем людзьмі, транснацыянальнай арганізаванай злачыннасцю і карупцыяй.

0
Зьміцер / Адказаць
10.12.2018 / 16:27
Oго!
Каб пакінуць каментар, калі ласка, актывуйце JavaScript у наладах свайго браўзеру