10.12.2018 / 15:27

Сяргей Скрабец зноў вылучаецца ў прэзідэнты, абяцае 200 рублёў за подпіс 13

…але толькі ў выпадку перамогі.

Сяргей Скрабец. Фота svaboda.org.

Былы дэпутат Палаты прадстаўнікоў, бізнэсмен і палітвязень Сяргей Скрабец заявіў пра прэзідэнцкія амбіцыі.

Скрабец ужо двойчы спрабаваў балатавацца ў прэзідэнты, але ніводнага разу зарэгістраваны не быў. У 2001 годзе ягоныя подпісы прызналі несапраўднымі, а ў 2006 годзе Скрабец з-за кратаў падтрымаў Аляксандра Казуліна.

«На трэці раз павінна пашанцаваць», — кажа ён. Якую ж цяпер палітычную сілу прадстаўляе Скрабец? «Аргкамітэт сацыял-дэмакратычнай партыі Свабода». Ён кажа, што спробаў рэгістрацыі партыі нават не рабілі, бо няма сэнсу.

Апошнія гады Скрабец туляўся па сацыял-дэмакратычных партыях. Быў намеснікам Станіслава Шушкевіча, потым генеральным сакратаром у аргкамітэце партыі Міколы Статкевіча.

«Са Статкевічам мы разышліся ў поглядах. Я супраць вулічных акцый, не хачу падстаўляць людзей, але Статкевіч за іх правядзенне», — адзначае Скрабец.

Сяргей Скрабец кажа, што ўжо 15 гадоў без працы. «500 тысяч дармаедаў, 100 тысяч людзей, якім забаронены выезд за мяжу — гэта тыя, на каго можна абаперціся ў прэзідэнцкай кампаніі. Агулам пратэстная база складае, па маіх падліках, каля 3 мільёнаў чалавек», — кажа ён.

Палітык абяцае плаціць па 200 рублёў за адзін подпіс сабраны ў ягоную падтрымку, але толькі ў выпадку перамогі на выбарах. «Плаціць за паразы я не маю намеру. 10 мільёнаў даляраў не такая і вялікая сума», — кажа ён.

Якім будзе галоўны лозунг кампаніі Скрабца? «Стабільнасць. А то лозунг такі ёсць, а стабільнасці няма».

Сяргей Скрабец нарадзіўся ў 1963 годзе ў Лідзе. Бізнэсмен. Быў гендырэктарам гандлёвага дома «Бел-Бабаеўскае». Дэпутат Палаты прадстаўнікоў (2000 — 2004). Быў асуджаны да 2,5 года зняволення за падрыхтоўку дачы хабару. Выступаў за большую інтэграцыю з Расіяй.

Зміцер Панкавец

2
Мікола / Адказаць
10.12.2018 / 17:28
Лепш тады 1000 абяцай за подпіс, чаго разменьвацца на дробязі
0
Жвір / Адказаць
10.12.2018 / 17:31
Шчуры еўропы яднаюцца ў зграі надыходзіць іх час...(с)


1
Serg / Адказаць
10.12.2018 / 17:33
1 млн долларов только на 100000 для регистрации нужно. Но нужна программа, а не подкуп временный народа!!! Купишь выборы!!! А дальше что? Разруха и война?
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру