У Беларусі, магчыма, рыхтуюць да запуску брэнд Lifecell. Беларуская кампанія выкупіла два дамены, а нідэрландская — зарэгістравала таварны знак.
У верасні 2018 года нідэрландская кампанія «Lifecell Ventures coöperatief u.a» зарэгістравала ў Беларусі таварныя знакі «Lifecell» і «Лайфселл». Сярод магчымых тавараў і паслуг — мабільныя тэлефоны і тэлекамунікацыйныя паслугі, тэрмін рэгістрацыі — да жніўня 2027 года.
Нідэрландская Lifecell Ventures дзейнічае «ў адпаведнасці са стратэгічнымі прыярытэтамі» групы кампаній Turkcell.
Даменныя імёны lifecell.by і lifecell.com.by таксама ўжо занятыя. Паводле даных whois, іх адміністратар — ЗАТ «Беларуская сетка тэлекамунікацый». Менавіта гэта юрыдычная асоба забяспечвае мабільную сувязь пад брэндам life:).
