Расійская пошукавая сістэма Яндэкс апублікавала звесткі, якіх асобаў шукалі беларусы ў інтэрнэце ў 2018 годзе.

На першым месцы ў запытах пошукавіка Хабіб Нурмагамедаў — гэта расійскі баец змешаных баявых адзінаборстваў.

Гаген Солнцаў (справа) з жонкай. Фота Teleprogramma.pro.

На другім жа месцы ў запытах шоумэн Гаген Солнцаў. Ён пастаянны ўдзельнік расійскіх ток-шоу кшталту «Няхай гавораць», удзельнічаў у перадачы «Дом-2».

Славу набыў таксама сваім вяселлем з Кацярынай Церашковіч. На момант вяселля Солнцаву было 37 гадоў, а ягонай нявесце — 63.

На трэцім месцы славуты ў мінулым аргенцінскі футбаліст Дыега Марадона, які сёлета стаў старшынёй праўлення ў брэсцкім «Дынама».

Далей ідуць расійскі футбаліст Арцём Дзюба, спявак ALEKSEEV, які прадстаўляў Беларусь на «Еўрабачанні».

У спісе толькі адна беларуска — на 10-м радку тэнісістка Арына Сабаленка.

Хочаш падзяліцца важнай інфармацыяй ананімна і канфідэнцыйна?