12.12.2018 / 14:13

Устаноўка ялінкі ў Валожыне паралізавала рух у горадзе ФОТЫ

Аперацыя «Ялінка» адбываецца тут штогод.

Рух на вуліцы Савецкай перакрыты. Пасярод дарогі стаіць МАЗ, на якім ва ўсе бакі раскінула вялізныя лапы ялінка. Галоўную прыгажуню вязуць на плошчу. Але… Драты і гірлянды, якія развесілі над вуліцай, праехаць 15-метровай елцы не даюць.

«Вам свята, а ў нас кожны год аперацыя «Ялінка», — кажа вадзіцель пагрузчыка Аляксандр. — Нічога, зараз прыедзе кран, гірлянды здымуць, праедзем. Да плошчы тут 3 метры засталося». Галоўную елку Валожына вязуць з мясцовага лесу. Яе вышыня больш за 15 метраў, шырыня знізу ад лапкі да лапкі — 12 метраў.

Наталля Тур

Каб пакінуць каментар, калі ласка, актывуйце JavaScript у наладах свайго браўзеру