ДТЗ адбылося 12 снежня ў вёсцы Тулава Зэльвенскага раёна, паведаміла ДАІ Гродзенскай вобласці.
Удзень 23-гадовы кіроўца «Фольксвагена» з’ехаў з дарогі: паводле папярэдняй інфармацыі, на закругленні дарогі налева кіроўца няправільна выбраў хуткасць, у выніку чаго з'ехаў з дарогі, пашкодзіў агароджу і ўдарыўся аб кут жылога дома.
Пасля ўдару аўтамабіль загарэўся, тушыць яго прыехалі некалькі машын ратавальнікаў.
У выніку здарэння сур'ёзныя траўмы атрымала пасажырка пярэдняга сядзення. Медыкамі яна была шпіталізавана ў рэанімацыйнае аддзяленне мясцовай бальніцы. Сам кіроўца сур'ёзных траўмаў не атрымаў.
Па факце ДТЗ праводзіцца праверка.
0
0
0
0
0
0
