Беларусь ацэньвае свае страты з-за падатковага манеўру ў Расіі ў 2019 годзе на 630 мільёнаў рублёў.
Пра гэта паведаміў журналістам міністр фінансаў Беларусі Максім Ермаловіч на палях Саўміну Саюзнай дзяржавы ў Брэсце, піша БелТА.
Сумарныя страты да 2024 года могуць скласці ад 8 да 12 мільярдаў даляраў.
Разам з тым беларускі бок разлічвае на ўрэгуляванне пытання пра кампенсацыі страт ад падатковага манеўру ў ходзе перамоваў.
«Ацэнкі могуць быць самыя розныя, яны залежаць ад цаны на нафту. Спадзяюся, што атрымаецца падчас перамоваў пазбегнуць такіх істотных страт, і мы знойдзем рашэнне гэтай праблемы ў бліжэйшы час», — дадаў Максім Ермаловіч.
0
0
0
0
0
0
