У гродзенскай гімназіі №6 урачыста адкрылі помнік Феліксу Дзяржынскаму. Цырымонію прымеркавалі да Дня супрацоўніка органаў дзяржаўнай бяспекі, піша «Гродзенская праўда».
Адліты з бронзы бюст Фелікса Дзяржынскага каля школьнага ганка ўсталявалі больш за трыццаць гадоў таму. Зараз помнік абнавілі.
На цырымоніі адкрыцця намеснік старшыні аблвыканкама Віктар Лісковіч падкрэсліў, што помнік Феліксу Дзяржынскаму тут, у школе, — гэта важная частка выхавання патрыятызму, гістарычнай памяці і грамадзянскай адказнасці ў вучняў.
