15.12.2018 / 16:53

Беларусы пра ўльтыматум Расіі: Незалежнасць не прадаецца за танную нафту ВІДЭААПЫТАНКА 16

«Наша Ніва» запыталася ў мінакоў, як яны ставяцца да частковай страты беларускага суверэнітэту ў абмен на танную нафту.

Між Беларуссю і Расіяй абвастрыліся адносіны праз цэны на энерганосьбіты: спачатку ў Санкт-Пецярбургу Аляксандр Лукашэнка схапіўся наўпрост з Уладзімірам Пуціным па газавым пытанні, потым віцэ-прэм'ер Расіі Дзмітрый Козак адмовіўся нават абмяркоўваць кампенсацыю страт ад падатковага манеўру «без далейшай інтэграцыі». 

Падсумаваннем пазіцый Расіі стаў ультыматум Мядзведзева ў Брэсце, дзе той назваў «два магчымыя сцэнары для Беларусі», сярод якіх — «інтэграцыя» і адмова Беларусі ад уласнай валюты, судоў і іншых уласных дзяржаўных інстытутаў на карысць «супольных». 

Другі варыянт прадугледжвае «цяперашні стан інтэграцыі», што, можна меркаваць, ставіць кропку на жаданні Беларусі і надалей атрымліваць фінансавую падтрымку Расіі ў выглядзе танных энэрганосбітаў. 

Што пра гэта думаюць беларусы? Ці гатовыя яны плаціць больш за камунальныя паслугі, абы толькі не аддаваць суверэнітэт? 

Глядзіце ў апытанцы. 

Арцём Гарбацэвіч, відэа Воля Афіцэрава.

9
Ёпрст / Адказаць
15.12.2018 / 17:21
Пытанне журналістаў пра незалежнасць гучыць для мінакоў дастаткова абстрактна!
Пытанне трэба ставіць прыкладна так: калі Беларусь прыме расейскі ультыматум, тады нашыя хлопцы будуць ваяваць у расейскіх імперскіх войнах і у Беларусь пачнуць прывазіць цынкавыя грабы, расейскія алігархі на халяву прыхватызуюць усё тое, што яшчэ шавеліцца у Беларусі, айцішнікі з'едуць, чарговы "беларускі" прэмьер-міністр па позвішчу Іваноў будзе паўзці на каленях у шэрагах з 86 субъектаў РФ па грошы у Крэмль, расейскія жандары будуць вінціць беларусаў і "суды" даваць тэрміны для адсідкі на Поўначы Расеі (Сібір і Комі - гэта табе не расонскі район .-)), панаедуць расейскія бандзюкі,  ну і у Беларусь не прыйдуць ніякія інвестыцыі сучаснай эканомікі. У лепшым выпадку будзе нейкая дохлая Пскоўшчына. Таму што будзе шэрая зона для бізнесу, накшталт Абхазіі, Прыднястроўя і Крыма! Працоўныя месцы рэзка скароцяцца. Зараз Расея выступіла супроць цывілізацыі планеты і хутка рухаецца у бездань. Так вы за незалежнасць ці не? Вось тады піпл пачне думаць усур'ез!
13
Юрась ВКЛ / Адказаць
15.12.2018 / 17:32
Прыемна слухаць разумеюць людзей.   на жаль спытаць на Віцебшчыне з 100 апытаных:
5-за незалежнасць, 
40-усё роўна. 
55 - за Расею . 
Тэлебачанне  зрабіла сваю справу.((((( 

5
Грамазека / Адказаць
15.12.2018 / 17:44
Больш и кичыцца нима чым, перад беларусами за развал усяго, не пападайцеся на кручок, гэта перадвыбарная гульня. Усе дамоулена, зараз падымуць цануу у 2-3 разы на камуналку, людзи паплоцяць пару месяцау, а потым ен "дамовицца " але камуналка упадзе усяго на 1,5-2 разы. Цана нашага сувернитэта абыйдзецца яму у новы срок и поуныя кишэни грошай.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру