Ад рэдакцыі1212

Чалавек года па версіі «Нашай Нівы» — Марына Золатава

Галоўная рэдактарка Tut.by Марына Золатава. Фота Волі Афіцэравай.

Чалавекам года ў Беларусі мы вырашылі прызнаць галоўную рэдактарку Tut.by Марыну Золатаву. Чым кіравалася «Наша Ніва», робячы такі выбар?

У ХХІ стагоддзі інфармацыйная бяспека краіны значыць не менш за вайсковую. Таксічная прапаганда расійскага тэлебачання ў той ці іншай ступені ўздзейнічае на розумы сотняў тысяч беларусаў, прасоўваючы ідэі «рускага свету», і дзяржаўныя тэлеканалы мала што могуць супрацьпаставіць ёй. У такой сітуацыі на пярэдні план выходзяць незалежныя беларускія інтэрнэт-рэсурсы, якія прапануюць грамадству свой парадак дня. Найбуйнейшае сярод нацыянальных медыя — Tut.by. Кожны будні дзень на яго заходзяць каля 1,3 мільёна чалавек. Поспех Tut.by складаецца з мноства фактараў, але адзін з іх неаспрэчны — прафесіяналізм рэдакцыі на чале з Марынай Золатавай.

Сёлета яе працу «ацанілі» яшчэ і канкурэнты з дзяржаўных выданняў. У сітуацыі, калі за кратамі не засталося палітычных апанентаў рэжыму, галоўнай цэллю была абрана менавіта Золатава.

Глядзіце: «Ток» з Золатавай і Леўшынай: пра «справу БелТА», цэнзуру і агентуру ВІДЭА

Абсурдная «справа БелТА» з ператрусамі і зняволеннем журналістаў і рэдактараў незалежных СМІ выклікала захапленне расійскіх імперскіх рэсурсаў. «Зачыстка неабандэраўскіх СМІ ў рэспубліцы», — у экстазе пісалі яны.

«Справа БелТА» ўдарыла па дзясятку журналістаў, але ў выніку абвінавачанай засталася толькі Марына Золатава. Ці не для таго, каб застрашыць і нейтралізаваць менавіта яе, прыдумлялася гэтая хітрая крымінальная справа?

Мы мусім сказаць, што выбар Чалавека года не быў для Рэдакцыі «Нашай Нівы» адназначны. У часе абмеркавання стваральнікам Tut.by ставілі ў віну, што ў пагоні за камерцыйнымі перамогамі яны не толькі манапалізавалі рынак, але і міжволі зрабілі свой рэсурс адным з інструментаў русіфікацыі грамадства. Будзем лічыць, што гэта доўг, які Tut.by некалі беларушчыне сплаціць.

Чытайце таксама: Пяць фактаў пра затрыманую галоўную рэдактарку TUT.by Марыну Золатаву

Людзі года «НН» у папярэднія гады 

2005 — палітык Аляксандр Мілінкевіч 

2006 — чалавек Плошчы

2007 — маладафронтавец 

2008 — трэнер Віктар Ганчарэнка 

2009 — Наталка Васілевіч і іншыя дабрачынцы 

2010 — падпалкоўнік міліцыі ў адстаўцы Мікалай Казлоў 

2011 — музыка Сяргей Міхалок 

2012 — людзі, што вярнулі ў Беларусь Статут ВКЛ: Аляксей Бацюкоў, Зміцер Яцкевіч, Андрэй Радкоў 

2013 — беларускамоўныя дзеці 

2014 — Франак Вячорка і іншыя папулярызатары вышыванкі 

2015 — Святлана Алексіевіч

2016 — Кацярына Сінюк

2017 — Павел Калаўр

2018 — Марына Золатава

Апытанка

Каментары12

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Усе навіны →
Усе навіны

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

«Пакуль не чуў, каб беларусаў дэпартавалі». Амерыканскі адвакат пра міграцыйную палітыку ЗША пры Трампе2

Купалаўскі тэатр прапаноўвае новую паслугу: цяпер там можна пабрацца шлюбам13

Крутога айцішніка, які вярнуўся з Грузіі, асудзілі па чатырох палітычных артыкулах10

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

больш чытаных навін
больш лайканых навін

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Галоўнае
Усе навіны →

Заўвага:

 

 

 

 

Закрыць Паведаміць