17.12.2018 / 12:56

Заснавана новая літаратурная прэмія «Празрысты ЭОЛ»

Прэмія «Празрысты ЭОЛ» заснаваная рэдакцыяй віртуальнага літаратурнага часопіса «ЛітРАЖ» пры падтрымцы шэрагу беларускіх пісьменнікаў.

Мэты стварэння Прэміі:

  • заахвоціць айчынных выдаўцоў да публікацыі электронных кніг;
  • падтрымаць творчасць беларускамоўных, перадусім маладых аўтараў;
  • прыцягнуць увагу шырокай грамадскасці да найлепшых літаратурных анлайн-публікацый на беларускай мове.

Сакратарыят Прэміі віртуальнага літаратурнага часопіса «ЛітРАЖ» з 1.1.2019 па 15.1.2019 будзе прымаць ад чытацкай публікі РЭКАМЕНДАЦЫІ што да твораў, якія на думку чытачоў заслугоўваюць быць вынесенымі на разгляд Віртуальнай літаратурнай Акадэміі і намінаванымі на прэмію «Празрысты ЭОЛ»-2018.

Для падачы рэкамендацыі чытачу (ці аўтару) дастаткова даслаць мэйл на адрас Сакратарыяту са СПАСЫЛКАЙ на рэкамендаваны твор.

Патрабаванні да твораў:

  • беларуская мова (правапіс неістотны);
  • апублікаваны ў інтэрнэце ў 2018 годзе;
  • аб'ём большы за «надта малы».

Сачыце за навінамі Прэміі.

Каб пакінуць каментар, калі ласка, актывуйце JavaScript у наладах свайго браўзеру