17.12.2018 / 15:58

Расійскіх журналістаў падчас прэс-тура частавалі чорнай ікрой, якая каштуе 575 рублёў 10

Удзельнікі прэс-тура ў Беларусь для расійскіх журналістаў падзяліліся ў сацыяльных сетках, чым іх частавалі, падчас наведвання Беларусі.

Фота з фэйсбука Андрэя Румянцава.

Блогер Андрэй Румянцаў змясціў фоткі, як журналістаў кармілі чорнай ікрой: «Вы даўно каштавалі чорную ікру? Я дык нядаўна», — напісаў ён.

Гэта прадукцыя прадпрыемства Admiral Husso, якое знаходзіцца ў Фаніпалі. У сакавіку яго наведваў Аляксандр Лукашэнка.

На здымках бачна, што гэта ікра Admiral Husso Premium вагой 250 грамаў. Адна такая ўпакоўка, паводле сайта вытворцы, каштуе 575 рублёў.

Фота з фэйсбука Андрэя Румянцава.

Гэта, на хвілінку, у паўтара раза больш за сярэднюю пенсію па краіне.

У фэйсбуку іншага журналіста Віталя Рагуліна адзначаюць: «Багата вас там прымаюць». «Прэзідэнцкі тур», — адзначае Рагулін.

Запівалі ікру самагонкай, якую таксама вырабляюць на прадпрыемстве.

Упраўляючы Admiral Husso Уладзімір Даўгяла паабяцаў пазней пракаментаваць сітуацыю.

ЗП

2
Ales' / Адказаць
17.12.2018 / 16:00
Дык калі ўжо Лукашэнка і яго адміністрацыя пачне кожную капейчыну лічыць ?
1
Базыль / Адказаць
17.12.2018 / 16:06
Нагібайся, прагібайся - аднаго караня словы
1
Матёрый / Адказаць
17.12.2018 / 17:43
Кто заплатил за это? Хвать РуССких кормить.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру