Фота Ульяны Ягадніцынай з фэйсбука
Жодзінская міліцыя больш за месяц шукала зніклую ў Егіпце 30-гадовую Ульяну Ягадніцыну, яе месцазнаходжанне ўстаноўлена.
«Крымінальных абставінаў або датычнасці да якога-небудзь няшчаснага выпадку не выяўлена», - праінфармавалі ў міліцыі. Жыхарка Жодзіна знайшлася ў Каіры.
Па наяўнай інфармацыі, яе жыццю і здароўю нічога не пагражае. «З вялікай доляй імавернасці можна казаць, што прычыны знікнення звязаныя з сямейнымі абставінамі», - адзначылі ў міліцыі.
Беларуска ў апошні час жыла ў Каіры. З 9 лістапада яна перастала выходзіць на сувязь са сваёй маці.. Для арганізацыі пошукавых мерапрыемстваў праваахоўнікі звязваліся з егіпецкімі калегамі.
0
0
0
0
0
0
