Віцэ-прэм'ер Ігар Ляшэнка пасля выступу ў Палаце прадстаўнікоў адказаў на пытанні дэпутатаў.
Прадстаўнік Пастаўскага і Шаркаўшчынскага раёна Сяргей Зямчонак апісаў праблему, з якой сутыкаюцца жыхары рэгіёна.
Сяргей Зямчонак раней быў дырэктарам «Паставымэбля». Фота house.gov.by
«Гучыць заклапочанасць, што скарачаецца сельскае насельніцтва, але хто прыслухоўваецца да іх праблем? Напрыклад, у нас у кожным двары ёсць мотабарана, бензакаса, бензапіла… А запраўкі? З вёскі едуць за 30 кіламетраў, каб прывезці 5 літраў бензіна і парэзаць дровы.
Я пытаюся: «Як вы вырашаеце?» Адказваюць з усмешкай: «Неяк прызвычваемся». Напэўна ў сельгасарганізацыях падкрадаюць. Гэта трэба неяк спыніць.
«Белнафтахім» мае сваю сістэму разліву, прадае растваральнікі ў сельгаскрамах.
Хіба нельга і бензін прадаваць у нейкай шкляной тары?»
Ігар Ляшэнка паабяцаў, што пытанне будзе вырашана.