20.12.2018 / 16:21

Турцыя хоча перадаць С-400 у ЗША для вывучэння 4

Каб кантраляваць урон, што можа быць нанесены Анкары купляй С-400, турэцкі бок прапанаваў даць шанец амерыканскім спецыялістам вывучыць набытыя ў Расіі ракетныя сістэмы, высветліла інфармагенцтва Bloomberg.

У Турцыі дапусцілі, што набытыя ў Расіі зенітныя ракетныя сістэмы (ЗРК) С-400 будуць перададзеныя для вывучэння амерыканскім спецыялістам. Пра гэта Bloomberg распавялі дзве знаёмыя з абмеркаваннем пытання крыніцы. Гэта, як мяркуюць у Анкары, дазволіць турэцкім уладам кантраляваць урон ад куплі ўзбраення ў Масквы, тлумачаць суразмоўцы агенцтва.

Падобную ідэю Турцыя, па іх словах, вылучыла «ў апошнія тыдні». Згодна з ёй, «шанец вывучыць якія-небудзь С-400, набытыя ў Расіі», можа з'явіцца ў амерыканскіх тэхнікаў. Астатніх дэталяў гэтай ініцыятывы крыніцы не прыводзяць. Пры гэтым Bloomberg адзначае, што сітуацыя развіваецца на фоне пагроз амерыканскіх уладаў увесці ў дачыненні Анкары санкцыі, а таксама здзелкі, якая рыхтуецца паміж ЗША і Турцыяй па продажы апошняй амерыканскіх ЗРК Patriot.

Аб прапанове прадаць Анкары свае сістэмы супрацьпаветранай і супрацьракетнай абароны (вытворца — амерыканскія ваенна-прамысловыя кампаніі Raytheon Co. і Lockheed Martin Corp.) на суму $3,5 мільярда Дзярждэпартамэнт ЗША апавясціў кангрэс напярэдадні. У Белым доме, як удакладняе Bloomberg, магчымую здзелку каментаваць адмовіліся. Комплексы Patriot, як мяркуюць у амерыканскім знешнепалітычным ведамстве, павялічаць абарончыя магчымасці турэцкай арміі, а таксама саюзнікаў па НАТА.

У Крамлі, рэагуючы на ​​падобную інфармацыю, заявілі, што пастаўкі Турцыі амерыканскага ЗРК Patriot на пагадненне па С-400 не паўплываюць. Кантракт паміж Масквой і Анкарой быў складзены ў снежні мінулага года, супраць яго выступалі ў Вашынгтоне. Кіраўнік турэцкага МЗС Меўлют Чавушаглу тым не менш пасля заявіў, што гэтая здзелка з'яўляецца «вырашанай справай» і не можа быць адменена. Мяркуецца, што Анкара набудзе ў Масквы чатыры дывізіёны ЗРК С-400 на суму $2,5 мільярда.

0
AlesGut / Адказаць
20.12.2018 / 16:45
Відавочна, што туркі не задаліся пытаньнем: а ці патрэбны тыя С-400 амерыканцам, каб паржаць?
0
vovik21.12 / Адказаць
20.12.2018 / 17:10
Эрдоган вообще развёл Россию))
11
Serg / Адказаць
20.12.2018 / 19:55
Так им же никто еще ничего не продал и не объяснили как это работает!!!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру