21.12.2018 / 13:49

Статкевіча вылучаць кандыдатам у прэзідэнты? 21

Беларускі нацыянальны кангрэс (БНК) прыняў рашэнне вылучыць свайго кандыдата ў прэзідэнты. Вылучэнне адбудзецца 17 студзеня 2019 года.

Вылучаць свае кандыдатуры маюць права ўсе суб’екты БНК, сябры рады, а таксама рэгіянальныя кааліцыі. «Кожны з кандыдатаў павінен прадставіць сваю стратэгію перамогі, адбудзецца галасаванне, і будзе кандыдат», — кажа Мікалай Статкевіч. Палітык кажа, што ягоную кандыдатуру пакуль ніхто не вылучаў.

У Статкевіча на гэты момант не знятая судзімасць за Плошчу-2010.

«Ад 2015 года маю судзімасць на восем гадоў. Але паводле Канстытуцыі судзімасць не з’яўляецца перашкодай для ўдзелу ў выбарах, толькі ў Выбарчым кодэксе ёсць такія абмежаванні», — дае сваю трактоўку заканадаўства палітык.

Статкевіч кажа, што не называе працэс «выбарамі», а толькі «выбарчай кампаніяй». На ягоную думку, у 2015 не было альтэрнатыўных кандыдатаў, была толькі «фэйкавая альтэрнатыва».

«На гэты момант існуе патэнцыял палітычнага пратэсту (да 5%), сацыяльнага (да 10%) і патрыятычнага супраціву (да 15%). Усё гэта блізка да нуля, але патэнцыял ёсць. І наша мэта — аб’яднаць гэтыя патэнцыялы», — расказвае Мікалай Статкевіч.

Па ягоных словах, на выбары трэба ісці з лозунгам «уладу — народу».

«Мы хочам мірных пераменаў, каб вярнуць выбарнасць, каб вярнуць людзям магчымасць на нешта ўплываць. Мы хочам данесці на Усход, што мы не збіраемся адразу ўступаць у НАТО ці рабіць нешта падобнае. Дэмакратычная Беларусь будзе надзейным партнёрам для ўсіх суседзяў. Галоўнае — вярнуць свабоду», — падсумоўвае палітык.

ЗП

138
Чеснок / Адказаць
21.12.2018 / 13:56
Куда этого труса в президенты? Когда был шанс сменить власть в прошлом году, он сбавил обороты и не стал давить дополнительными митингами. Я лучше за Гайдукевича проголосую на худой конец, чем за этого совка.
55
Адыкватник) / Адказаць
21.12.2018 / 14:01
ЗАА !!! Я только за Статкевича!! реальный политик
27
Aleh / Адказаць
21.12.2018 / 14:30
Единственный кто не сломался под прессингом властей.Оппозиция должна понимать,чем выше они лезут тем больше ответственность и человек должен обладать не только умом в борьбе с диктатурой, но и силой воли выдержать прессинг властей.
Представьте если бы Мандела писал объяснительные записки или просил помилования сидя в тюрьме,смог бы ли он привести к свободе ЮАР?
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру