Учора на штогадовай прэс-канферэнцыі прэзідэнт Расіі Уладзімір Пуцін заявіў, што ў Расіі жыве 160 мільёнаў чалавек, хоць рэальныя лічбы нашмат меншыя.
«Расія заўсёды жыла ў сітуацыі санкцый і абмежаванняў. У нас 160 мільёнаў пражывае, з намі трэба лічыцца, мы абараняем інтарэсы народа акуратна, без усялякага хамства», — заявіў ён, адказваючы на пытанне пра гатоўнасць Расіі да новага вітка заходніх санкцый.
Афіцыйныя даныя Расстата пра колькасць насельніцтва ў Расіі — 146,8 мільёна чалавек.
Не да канца зразумела, Пуцін проста агаварыўся, альбо гэта было зроблена наўмысна.
Цікава, што 160 мільёнаў — гэта агульнае насельніцтва Расіі, Беларусі, а таксама акупіраваных тэрыторый Грузіі і Украіны.
Таксама пад 160 мільёнамі Пуцін мог мець на ўвазе насельніцтва Расіі + рускую дыяспару на постсавецкай прасторы.
Як яшчэ адзін варыянт, 13,2 мільёна расіян, якіх не стае да 160 мільёнаў, — гэта жыхары Беларусі і Паўночнага Казахстана (населенага, пераважнага, рускімі).
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары