У Купалаўскім тэатры прайшла цырымонія ўзнагароджання намінантаў V Рэспубліканскага конкурсу тэатральнага мастацтва «Нацыянальная тэатральная прэмія». Яна ўручаецца з 2010 года раз на два гады.
Тытул «Найлепшы спектакль тэатра драмы» дастаўся пастаноўцы «Рэвізор» тэатра імя Янкі Купалы, а Віктар Манаеў удастоены прэміі «Найлепшая мужчынская роля ў спектаклі тэатра драмы» за ролю Гараднічага.
Пераможцай конкурсу «Найлепшая жаночая роля ў спектаклі тэатра драмы» стала Юліяна Міхневіч за ролю Маці ў «Опіуме» (Цэнтр візуальных і выканальніцкіх мастацтваў «АРТ Карпарэйшн»).
У намінацыі «Найлепшы спектакль тэатра драмы малой формы» перамог «Метад» Гомельскага гарадскога маладзёжнага тэатра.
Найлепшым оперным спектаклем стала пастаноўка «Багема» Вялікага тэатра оперы і балета, а найлепшым балетным спектаклем - «Вішнёвы сад» Беларускага дзяржаўнага музычнага тэатра
Найлепшым лялечным спектаклем сталі «Сёстры Граі» Мінскага абласнога тэатра лялек «Батлейка».
А найлепшым спектаклем для дзяцей названа «Калядная гісторыя» Тэатра лялек.
V Рэспубліканскі конкурс тэатральнага мастацтва «Нацыянальная тэатральная прэмія» праводзіўся з 2 кастрычніка па 21 снежня. Усяго ў адборачных турах прынялі ўдзел 87 спектакляў, у фінал прайшлі 48 пастановак.
Цяпер чытаюць
Сілавікі выпадкова раскрылі, як менавіта правяраюць тых, каго падазраюць у «экстрэмізме». Спаліўся адзін з адказных за гэта3
Каментары