22.12.2018 / 09:35

Прыродны феномен у Чавусах: на рацэ з'явіўся ледзяны круг, які круціцца ВІДЭА 17

У Чавусах зафіксавалі прыродны феномен — ледзяны круг на рацэ. Відэа рэдкай прыроднай з'явы ў рэдакцыю даслаў чытач TUT.BY Аляксандр Лукуцін.

Такія ледзяныя кругі — рэдкая прыродная з'ява. Яны з'яўляюцца ў рэках з павольным цячэннем. Кругі ўтвараюцца дзякуючы віравай плыні, што ўзнікае ў рацэ. Кавалак ледзянога покрыва, які трапіў у яе, пачынае круціцца. Падчас кручэння краі гэтага кавалка зразаюцца аб лёд, і неўзабаве можа атрымацца роўны круг, часам — вельмі вялікага памеру, ад некалькіх метраў да некалькіх кіламетраў.

Самы вялікі ледзяны круг выявілі ў 1999 годзе на Байкале — яго дыяметр складаў 4 кіламетры.

Часцей за ўсё ледзяныя кругі можна назіраць у Скандынавіі і Паўночнай Амерыцы, але таксама іх сустракалі ў Вялікабрытаніі, Германіі і Расіі. Як аказалася, цяпер гэты прыродны феномен можна ўбачыць і ў Беларусі.

27
хамса / Адказаць
22.12.2018 / 09:42
хахахахаха.. малайцы) нн, вы ж год таму ці больш пісалі пра такую 'з'яву', якую зрабілі, здаецца, скандынавы, выпіліўшы круг у ільдзе і прыстасаваўшы маторчык.. потым каталіся на такой кружэлцы.. а тут 'само'
хахахахаха.. малайцы)
0
Базыль / Адказаць
22.12.2018 / 09:49
На 40 секундзе відэа захапіла жывёліну (карова?), што таксама прыйшла падзівіцца цудам прыроды
4
Serg / Адказаць
22.12.2018 / 09:51
Добрый знак!!!
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру