23.12.2018 / 15:55

Чарнагорыя будзе дамагацца незалежнасці ад Сербскай праваслаўнай царквы

Кіраўніцтва Чарнагорыі будзе дамагацца незалежнасці чарнагорскай царквы ад Сербскай праваслаўнай царквы (СПЦ), заявіў прэзідэнт рэспублікі Міла Джуканавіч.

«Сербская праваслаўная царква вельмі настойліва падрывае чарнагорскую незалежнасць. Я лічу, што неабходна працягнуць працу па аднаўленні аўтакефальнай Чарнагорскай праваслаўнай царквы, і дзяржава будзе займацца гэтым і несці за гэта адказнасць», — сказаў Джуканавіч.

Пераважная большасць праваслаўных вернікаў Чарнагорыі з'яўляюцца вернікамі СПЦ - мітраполіі Чарнагорска-Прыморскай, епархіі Будымлянска-Нікшыцкай і епархіі Герцагавінска-Захумскай.

На чале непрызнанай Чарнагорскай праваслаўнай царквы стаіць пазбаўлены раней сана ў СПЦ патрыярх Міраш Дэдэіч. Яго паслядоўнікам належаць некалькі прыходаў у цэнтральнай частцы краіны. Чарнагорская царква абвясціла незалежнасць у 1993 годзе.

Каб пакінуць каментар, калі ласка, актывуйце JavaScript у наладах свайго браўзеру