24.12.2018 / 15:38

Лукашэнка напярэдадні сустрэчы з Пуціным: Я хацеў бы атрымаць адказ на пытанне, чаму спыніліся перамовы 5

Перамовы, запланаваныя на заўтра ў Маскве, Аляксандр Лукашэнка назваў няпростымі, перадае president.gov.by.

Сёння на нарадзе напярэдадні заўтрашніх перамоваў у Маскве Лукашэнка прапанаваў абмеркаваць далейшае прасоўванне ў вырашэнні інтэграцыйных пытанняў, непахісна паважаючы суверэнітэт дзвюх краін і асабліва выбар народаў — расіян і беларусаў.

Аляксандр Лукашэнка адзначыў, што наконт газа на наступны год цэны урэгуляваныя: «Няхай гэта ў два разы даражэй, чым у Расіі. Але вось ужо тры гады запар, уключаючы 2019-ы, — мы дамовіліся аб цэнаўтварэнні».

«Што тычыцца коштаў на нафту, сітуацыя змянілася тры гады таму. На працягу гэтых трох гадоў праз падатковы манеўр мы страцілі амаль $4,5 млрд. Мы разумеем, што ў бліжэйшыя гады, прыблізна да 2024 года, панясем страт яшчэ на $10,5 млрд», — канстатаваў Лукашэнка.

«І мне асабіста, і ўрад гэта не адмаўляў, жорстка паабяцалі: «Мы (Расія. — Заўвага.) ніколі не пойдзем на пагаршэнне эканамічнай сітуацыі ў Беларусі, і мы кампенсуем страты ад падатковага манеўру». Гэта былі абяцанні. Мы разумелі і гатовыя былі весці перамовы, — заявіў Аляксандр Лукашэнка. — Быццам бы вы на ўзроўні двух урадаў палічылі ўсё, было прынята рашэнне».

Кіраўнік дзяржавы таксама адзначыў, што раней была заява першага віцэ-прэм'ера Расіі Антона Сілуанава, які вёў адпаведныя перамовы, што страты Беларусі немалыя, і расійскі бок быў гатовы кампенсаваць гэтыя страты за кошт бюджэту. «І потым раптам усё спынілася. Я хацеў бы атрымаць адказ на пытанне: чаму спыніліся гэтыя перамовы, калі ў прынцыпе ўсё было гатова для прыняцця рашэння нават на саюзным Саўміне ў Брэсце?» — сказаў Лукашэнка.

Ён дадаў, што варыянтаў у ходзе заўтрашніх перамоў у Крамлі па рашэнні тых ці іншых пытанняў шмат, але беларускі бок павінен выразна пазначыць і адстойваць сваю пазіцыю.

Ва ўрадзе Расіі заявілі, што дамовы з Мінскам аб кампенсацыі за падатковы манеўр не было

1
bugaga / Адказаць
24.12.2018 / 15:46
Хопіць сядзець на чужой нафце як залежны, трэ самому зарабляць і галавой працаваць! У Эстоніі няма ніякіх нафтаў-газаў па гэтых коштах і жывуць з заробкам 1000 эўра!
2
Чеснок / Адказаць
24.12.2018 / 16:19
Саше нужно обидеться на Путина и начать переговоры о выходе из СССР и интеграции с ЕС
46
Serg / Адказаць
24.12.2018 / 16:54
СССР наш дом!!! В крупейках у меня на советской 45 растет виноград 18 века маленький росток из Щитецкого панского сада!!! Третье место на выставке ВДНХ занял при советах. Коньяк и вино отменное!!! И по всей европейской территории СССР можно садить, мороза не боится. Он еще есть в Бывальках возле 4 квартирного дома рядом со школой. по весне привезу в институт пладоводства для разведения!!! Пусть народ традиции земли нашей знает!!!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру