25.12.2018 / 16:07

Пуцін — Лукашэнку: У нас адносіны развіваюцца даволі паспяхова 12

Уладзімір Пуцін назваў развіццё расійска-беларускіх адносін паспяховым і ўгледзеў тэндэнцыю да росту тавараабароту. Пра гэта, як паведамляе ТАСС, Пуцін заявіў, адкрываючы перамовы з беларускім калегам.

«У цэлым, я лічу, у нас адносіны развіваюцца вельмі паспяхова. Дастаткова сказаць, што летась у нас тавараабарот вырас больш чым на 23% і перавысіў $32 млрд, сёлета яшчэ звыш 12% росту да базы мінулага года, гэта значыць мы выйдзем за леташнія паказчыкі».

Аднак, як прызнаў расійскі прэзідэнт, ёсць і праблемы, асабліва ў сферы энергетыкі. «Калі дамовімся, то зусім будзе добра», — адзначыў ён і дадаў, што «неабходна зрабіць усё, каб не было ніякіх цяжкасцяў».

Лукашэнка ў адказ падзякаваў Пуціну за магчымасць сустрэчы і адзначыў, што «ні ў каго няма такіх блізкіх адносін, як у беларусаў і расіян».

«Вы толькі што сказалі, што мы можам дамовіцца. Я больш скажу: сапраўды можам дамовіцца, таму што каманды, якія цяпер тут знаходзяцца, правялі шэраг раўндаў перамоваў, яны ведаюць праблему. Ды і мы з вамі ўжо глыбока пасвечаныя ў тыя пытанні, якія трэба сёння вырашыць, — сказаў Лукашэнка. — Хацелася б, вядома, каб мы вырашылі гэтыя пытанні і ў новы год не цягнулі старыя праблемы, таму што гэта дрэнна, калі старыя праблемы пераходзяць у новы год».

Плануецца, што спачатку бакі абмяркуюць пытанні беларуска-расійскага супрацоўніцтва ў прысутнасці членаў урадаў, а затым у фармаце «сам-насам».

nn.by

2
Ёпрст / Адказаць
25.12.2018 / 16:13
Праблемы на самой справе не вырашаныя  і яны павялічваюцца!
3
LitvinM / Адказаць
25.12.2018 / 16:16
Ну што, Рыгоравіч, прадасі краіну ў перамовах сам-насам жы й првядзеш катастрофу на Беларусь  ці ўсе ж застанешся мужыком ?
28
Serg / Адказаць
25.12.2018 / 16:22
Конечно успешно!!! У Порошенко стодневка началась!!! Можно налысо брить!!! Скоро га дембель!!!
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру